ريجيم ينقص 3 كيلو بالأسبوع برنامج الأسبوع الأول مجرب ومضمون

مرحبا بنات
لكل واحدة زهقت الريجيم متلي
وبعد عناء طويل
قدرت انزل من وزني 3 كيلو بأسبوع واحد بس
مع اني كتير بحب الاكلات الجاهزة
والشبس نقطة ضعفي
بس مع هالبرنامج المريح قدرت انزل الوزن اللي بدي اياه ومكملة إن شاءالله لأوصل للوزن الطبيعي وأقل كمان...شجعوني يا صبايا
يلا هلأ بنبدا بالأسبوع الأول وكل اسبوع راح انزل البرنامج
يلا خلينا نبدأ
الفطور:
نص رغيف ابيض (أو 1 خبز هامبورغر)
1 بيضة مسلوقة (أو) 2 قطعة جبنة بيضاء (أو) 2 ملعقة حمص (أو) 3 حبات فلافل (أو) 2 ملعقة زيت وزعتر (أو) 2 ملعقة لبنة....إلخ
نيسكافيه من دون سكر (أو مع سكر خفيف) والأفصل سكر للريجيم (سعره مناسب ومفيد)
1 فواكه
الغداء:
الخيار الأول: صدر دجاج + كوب من الطبخ أو الخضار اللي بالعادة بتطبخوها + كأس رز (حوالي 2 ملعقة سكب أو 8 ملاعق طعام) + سلطة أي نوع مع ملعقة زيت زيتون
الخيار الثاني: قطعة لحمة (مسلوقة أو مشوية) + كوب خضار مقطع ني أو مطبوخ (حسب الرغبة) + كأس رز + سلطة
الخيار الثالث: هامبرجر بدون مايونيز + سلطة (يمكن تناول الماسترد)
الخيار الرابع: 2 كوب معكرونة بلحمة مفرومة + سلطة
الخيار الخامس: كوب مجدرة أو كبسة أو أي طبخ اعملتيه مع رز + سلطة
بعد ساعتين من الغداء تناولي حبة فاكهة
قبل كل وجبة 2 كأس ماء
العشاء: نفس الفطور
حاولي تتركي بين كل وجبة والتانية من 3-4 ساعات
اكثري من الخضار والفاكهة (وخصوصاً الخيار والبندورة والبرتقال والتفاح)
اشرب مشروبات كعصير البندورة بين الوجبات
ان شاءالله ما أكون طولت عليكم بس حابة افيدكم واحكيلكم شو اللي فادني وخسرت من وزني
بالنسبة الي انا: وجبتي الأولى عالساعة 9:00 (فطور)
ثم لبن مع خضار أو فواكه عالساعة 12:00 (سناك)
ثم الغداء على الساعة 2:00 أو 3:00 (غداء)
ثم على الساعة 5:00 (العشاء: نفس الفطور)
ثم على الساعة 7:00 أو 8:00 حليب أو خضار وفواكه (سناك)
3 وجبات رئيسيات مع 2 سناك
واذا عندكم اي استفسار اسألوني وراح افيدكم ان شاء الله
وتقبلوا كل التحيات
باي