ساعدوني ارجوكن يافراشات

راح اكتبلك كذا طريقه وامشي عليها ان شاء الله راح تزبط وتعجب زوجك وعيالك
الكبسه
قطعي بصل ويكون كثير وخليه على النار مع 3 م ك زيت وحركيه من فتره لفتره اتركيه حتى يميل للون الاصفر
ضعي البهارت وهي باشكالها ( قرفه مسمار هيل فلفل اسود ليمون الاسود ملح ) وحركيها وانتبهي تحترق
قطعي حبه طماطم وضعيها ثم ملعقه كبيره معجون طماطم وحركيها ثم ضعي اللحم وقلبيه كل دقيقتان وغطيه حتي يتتبل مع بعض اذا كانت دجاج اضيفي لها بطاطس مقشره
ضعي الماء وهو ساخن ولا تكثريه حاولي يكون الماء موازي مع اللحم
غطيه باحكام طبعا اذا دجاج ربع ساعه واذا لحم نص ساعه او ثلث
بعدين شيلي اللحم وضعيه في صينيه ودخليه الفرن من اعلى حتى تتحمر وتتقمر
وضعي الارز بعد ماتغسليه وتكون المرقه تغطي الارز يعني سم او على حجم اضفورك ماتكثري لان فيه انواع من الارز مايحتاج لها مويه كثير زي بسمتي وابو كأس
اهم شي تذوقي طعم المرقه اذا ينقصها ملح اضيفي واضبطي الملح لان طعم المرقه هو الي يحدد طعم الكبسه
غطيها مره ثانيه واذا اشر الصمام خليه على نار هادئه لمده 10 دقائق فقط وانتي بتعرفين من ريحة الارز
صينيه مصقعه
اقلي 6 حبات باذنجان واتركيها جانبا
جهزي المقلاه وضعي فيها 2 م زيت وقطعي بصله كبيره واتركيها حتى تصفر
ضعي عليها اللحمه المفرومه وحركيها ثم ضعي ملح وكمون وحركيها الى ان تستوي
رصي الباذنجان في صينيه بايركس الصغيره وضعي اللحمه ثم طبقه من البذنجان
ضعي في الخلاط 2 طماطم صغيره اوحبه كبيره و2 م ص معجون طماطم وفنجان قهوه ماء وملح وكمون زاخلطيها ثم صبيه على الوجه تقصدر ثم تدخل الفرن من اعلى واسفل نص ساعه
خرجي الصينيه وشيلي القصدير واهرسيها بالشوكه حتى يصير متجانس مع بعض غطيه مره ثانيه ودخليه الفرن ربع ساعه
ثم يقدم مع الليمون طعمه لالالالالالالالايقاوم جنان
الارز الابيض مع دجاج مكشن
اول حاجه اطبخي الدجاج بعدين الارز
قطعي بصل ويكون كثير وخليه على النار مع 3 م ك زيت وحركيه من فتره لفتره اتركيه حتى يميل للون الاصفر
ضعي البهارت وهي باشكالها من كل نوع 3 حبات ( قرفه مسمار هيل فلفل اسود ليمون الاسود ملح ) وحركيها
قطعي حبه كبيره طماطم وضعيها ثم2 ملعقه كبيره معجون طماطم وحركيها ثم ضعي الدجاج بعد ما تقطعيها الى ثمان قطع
ثم ضعي 2 بطاطس مقطع مكعبات والخضار المجمد ( العملاق الاخضر او السنبله ) وحركيها مع بعض ضعي فقط فنجان قهوه ماء لانها بتتعارق مع بعضها
طعمها لذيذ بالمره وخليها ربع ساعه على نار هادئه
الارز اغسليه وضعيه في القدر واضيفي اليه الماء الساخن يكون على حجم اصبعك يعني تقريبا 5 سم بدون ماتنقعي الارز في الماء
وخليه على نار عاليه اللين يغلي ثم خففي النار وضعي الملح والزيت واتركيها لمدة 20 دقيقه وحركيه بالشوكه عشان ما يتكسر
اتمنى اني افدتك واذا ضبطت معاك انا مستعده اكتبلك كم طبق

يا هلا ويا مسهلا بك أختي
ابقدم لك سلطه تجن العقل ولا بعد سهله وما تبي شي واسمه سلطه لسان العصفور
1 علبة ذره
1 كاس جزر مقدطع شرايح ( يقطع أول شيئ حلقات ثم يشرح ويكون شكله حلو )
كاس ونص مكرونه لسان العصفور أو أي مكرونه بس أهم شي تكون صغيره تسلق بزيت وملح وماجي
حبتين بذنجان يقطع صغير ويقلى المقادير هاذي مع بعض
ثم
الصلصة
3 ملاعق صلصة الصويا الحاره أو الحلوه
ليمونه وشوي زيت زيتون تصب فوق المقادير السابقة وتخلط جيداً وتقدم مع الأرز ومع اللي تبين
ملاحظه يمكن استبدال الباذنجان بالكوسه ( من عندي مره جربت وصارت زينه ههه ههه )
إذا جربتيها واظبطت ادعيلي وعلمين عشان أضع لك أشياء ثانيه بدفيدك إن شاء الله

ولا يهمك يالغلا
تفضلي عيوني هذا ملف لجميع أطباقي المصورة
بطريقة سهلة وماتاخذوقت وإن شاء الله تستفيدي
اهم حاجة تدخلي المطبخ وأنتي مرتاحة يعني مزاجك رايق ههه
http://www.alfrasha.com/showthread.php?t=68964
وهذا بعد ملف لجميع الحلويات تفضلي
http://www.alfrasha.com/showthread.php?t=57159
ودمتي بصحة وعافية

حبيبتي صدى الآهات عندي لكي طريقه عمل مكرونه سهله ولذيذه مره...................... الآن موجود في الاسواق المكرونه الملونه صح.......... فيه نوع مبروم على شكل زمبرك...... اولا قطعي بصل شرائح واضيفي اليه مكعبات ماجي بالاضافه الي السمن ..قلبي على النار حتى يذوب البصل ..في هذه الاثناء قطعي صدور دجاج الي قطع صغيره واضيفيها الى البصل واضيفي الفلفل الحار .طبعا المكرونه تسلق لوحدها وقبل ان تضيفي المكرونه للخليط اضيفي مقدار كاس جبنه سايله وحركيه زين بعد ذلك اضيفي المكرونه بعد ان تصفيها من الماء وتكون مسلوقه ثلاثه ارباع السلق ..كل ما اضفتي شوي مكرونه قلبي حتي تختلط مع بعض. وباالهناء والعافيه................. ملاحظه اذا تبغينها تكون حاره يعني مفلفله قطعي الفلفل قبل وضع المكرونه............................جربيها وادعيلي

حبيبتي صدى الآهات عندي لكي طريقه عمل مكرونه سهله ولذيذه مره...................... الآن موجود في الاسواق المكرونه الملونه صح.......... فيه نوع مبروم على شكل زمبرك...... اولا قطعي بصل شرائح واضيفي اليه مكعبات ماجي بالاضافه الي السمن ..قلبي على النار حتى يذوب البصل ..في هذه الاثناء قطعي صدور دجاج الي قطع صغيره واضيفيها الى البصل واضيفي الفلفل الحار .طبعا المكرونه تسلق لوحدها وقبل ان تضيفي المكرونه للخليط اضيفي مقدار كاس جبنه سايله وحركيه زين بعد ذلك اضيفي المكرونه بعد ان تصفيها من الماء وتكون مسلوقه ثلاثه ارباع السلق ..كل ما اضفتي شوي مكرونه قلبي حتي تختلط مع بعض. وباالهناء والعافيه................. ملاحظه اذا تبغينها تكون حاره يعني مفلفله قطعي الفلفل قبل وضع المكرونه............................جربيها وادعيلي

جزاكم الله خير على هذي الردود الزينه
وانا عندي سؤال هو انتم باقي تاكلون دجاج