سفرتي المتواضعه 5 رمضان بالصور مشاركه بمسابقة الذ سفره رمضانيه

رمش الخليج

29-11-2022 - 01:32 am

صباحكم ومسائكم ورد وفل وياسمين
هاذي سفرتي يوم 5رمضان بس مافضيت انزلها الا اليوم
والله يحيكم لحد يستحي
الأطباق كانت عباره عن:
لقيمات بالعسل
شوربة حريره
فتوش
ورق عنب
كفته
مطبق
سمبوسة جبن
حلى قوس قزح
صورة فطورنا الاول قهوه+رطب+قشطه+لقيمات+كليجا
صورة فطورنا الثقيل
صورة من زاويه اخرى
طريقة اللقيمات: في الخلاط كوب ونصف ماء+فنجان قهوه زيت
3ملاعق حليب بودره+ملعقة سكر (ك) +ملعقة خميره (ك)
ذرة ملح ونخلطها بعدين نسكبها على كوبين دقيق في زبديه
ونعجنها زين وتختمر ساعه بعدين تقلى وذوقوا احلى لقيمات مقرمشه
روعه الحريره المغربيه يابنات لاتفوتكم
طريقتها: في قدر نضع شوي زيت وبصله متوسطه مبشوره
ونقلب شوي ثم نضيف مكعبات اللحم ونحرك ونضيف البقدونس والكزبره والكرفس مفرومه مقدار ملعقتين مليانه وكسرة قرفه ومكعب ماجي ونضيف حبتين طماطم مفرومه
وبهارات كركم وفلفل اسود وكزبره وكمون الي عندك
بعدين نغمرها بالماء ونخلي اللحم يستوي تقريبا 25 دقيقه
ثم نضيف مقدار من الحمص بدون قشر ومقدار من الشعيريه
وملعقة صلصه ونخليها تستوي شوي
ثم نضيف شوية دقيق مذوب بالماء ونضيفه عالشوربه عشان يجمعها
ونخليها خمس دقايق ونطفي عنها
الفتوش قطعي الكميه الي تناسبك مكعبات متوسطه(خيار +فلفل رومي+خس+طماطم+بصل اخضر+شوية بقونس)
الصوص(زيت زيتون+سماق+عصير ليمون+شوية خل)
وزينيها بالخبز المقلي وبالعافيه
طريقة المطبق سهله تجهزين الحشوه وهي عباره عن عصاج لحمه (تحمرين بصل وتضيفين عليه الدجاج المفروم او اللحم وتقلبين وتضيفين البهارات)
وكراث مقطع صغير وطماطم مقطع صغير وبيض وتحطينها سوى في زبديه وتملحينها
تجيبين رقاق جاهز حق السمبوسه وتاخذين شريحه وتقطعينها من النص وتسوينها على شكل +
اتمنى تكونوا فهمتوا على طريقتي
وتحطون شوي من الحشوه في النص وتسكرونها باضافة الطبقات على بعض وهكذا
بعدين عالصاج او طاوه تيفال تضيفين شوي زيت وتقلبين عليها المطبق حتى يحمر وبالعافيه
طريقة الكفته دجاج مفروم نضيف عليه بهارات مطحونه( كمون كزبره فلفل اسود فلفل احمر ثوم ملح)
ونضيف كزبره وبقدونس مفرومه وبصل وثوم مبشور ونشكلها
ونقليها في زيت غزير ونكون مولعين فحمه عشان الكفته تاخذ ريحته الشواء ونضيف الفحمه في فنجان زيت ونسكر القدر شوي حتى تاخذ الريحه وبالعافيه
طريقة ورق العنب
تضيفين في زبديه (كوب ارز مصري+ طماطم مفرومه+بصل مبشور+نصف حزمه نعناع مفروم+حزمه بقدونس مفرومه+ عصير ليمونه +ملح +بهارات)وتقلبينها مع بعض
وتجهزين ورق عنب مغسول وتبدين في الحشو
وتصفين في قدر بصل شرايح وبطاطس وتصفين فوقه الورق
بعد الانتهاء تحطين عليه صحن عشان يثبت الورق مايتفكك
وتحطين مقدار مناسب من الماء ومكعب ماجي ونصف كوب زيت زيتون ونصف كوب عصير ليمون
وتكبينه فوقه وتغطين عليه وتحسبين له وبالعافيه
طريقة السمبوسه سهله جبن مالح وبقدونس مفروم وتحشين السمبوسه
وتحمرينها بالفرن في طاوه تيفال مدهونه بزيت وتولعين عليها من تحت بس
وتقلبينها اذا حمرت للجهه الثانيه وبالعافيه
طريقة الحلى: 3 بكت جلي( كرز او فراوله+ليمون + برتقال)
نستله+جبن كيري+دريم ويب+قشطه+ماء بارد
الطريقه في الخلاط الطبقه الاولى(جلي برتقال مذوبته في نصف كوب ماء حار+3حبات جبن كيري
+4 ملاعق نستله+نصف بكت دريم ويب+نصف علبة قشطه+ربع كوب ماء بارد وتخلطينها بعدين تصبينه في اكواب
التقديم بالتساوي وتدخلينه الفريزر حتى يتماسك تقريبا عشر دقايق انتي شوفي
بعدين تغسلين الخلاط وتسوين الطبقه الثانيه والثالثه نفس الطريقه الاولى وتزينه بفراوله فرش انا ماكان عندي وزين بفراوله مثلجه
انا صرت كذا تعبت
بس لجل عين تكرم مدينه
واتمنى يكون شرحي وافي واي سؤال انا حاضره
مع حبي ومودتي

التعليقات (9)