سندوتشات الدجاج من خبز التورتيلا من مطبخي وبالصور حياكم

السلام عليكم ورحمة الله وبركاته
مساء الخير ياحلوات
اليوم سويت عشانا ( خبز التورتيلا بحشوة الدجاج )
مقادير العجينة:
4 كاسات طحين
ملعقة كبيره خميره
3 ملاعق كبيره حليب ناشف
3 ملاعق كبيره سكر
ملعقة صغيره بيكنق باودر
ملعقة صغيره ملح
ملعقة صغيره كاري
حبة فلفل رومي أخضر
شوي من الفلفل الأحمر الحار
نصف كاس زيت
كاسين ماء دافي
الطريقة :
1) تعجبن العجينة وتترك لمدة نصف ساعة حتى تخمر
2) تكور العجينة لكور متساوية وتترك لتخمر
3) تفرد العجينة ثم توضع على الصاج
وتقلب على الصاج حتى تتحمر
ثم توضع في حافظة وتغطى
4) صحن دجاج فيليه يدق لما يصير سخييف
5) بيض مخفوق (حطي فيه شوية ملح وبهارات) + طحين ..
يغمس الدجاج بالبيض بعدين بالطحين بعدين يحمر على النار
6) يقطع الدجاج قطع طويلة
7) يدهن الخبز بالمايونيز أو جبن سايل ثم يحشى بالدجاج والخس والبطاطس المقلي
وبالهنا والعافية
ملاحظة ( الأفضل تحطين ثوم ولكن أنا ماحطيت لأن الوالده ماتحبه )