شوفوا دجاج الفرن بالباشميل بطريقة دلوعه

السلام عليكم ورحمه الله وبركاته
مساء النور/صباح النور
لكل البنوتات الحلوات
واللي مو حلوات عشان مايزعلوا
خ
حبيباتي اليوم سويت غدا لابو الشباب وكان يم يم
يجنن مره>>>>تمدح نفسها
المهم حبيت انكم تشاركوني
صورته لكم بالتفصيل
احلى دجاج في الفرن بطريقه دلوعه زوجها>>>دلوعه بابتها سابقا
اول شئ ياحلوات
المقادير:
1- دجاجه متبله
1- بطاطس مقطعه حلقات
1-طماطم مقطعه حلقات ايضا
1-بصله كبيره مقطعه حلقات
1-فلفل رومي اخضر مقطع حلقات
ملح وفلفل
ملعقتين معجون طماطم
طبعا المعجون طماطم تحطيه في صينيه وتضيفين عليه شويا ملح وفلفل
وفنجان مويا
بعد كذا
الطريقه:
1- توضعي الدجاجه على القصدير
2- تضيفي الخضروات المقطعه حول الدجاجه
3-ترشي شويا ملح وفلفل على الخضروات
وتضيفي عليها خليط معجون الطماطم
4- تقفلي القصدير على الدجاجه باحكام>>>يعني مره تمام زي كذا
5- حطيها جوات قدر الضغط وقفلي عليها تمام
وحطيها عالنار لمدة نص ساعه راح يطلع طعمها زي الفرن بس كذا اسهل واسرع
تعالي بعد كذا سوي الباشميل
مقاديري انا
4ملاعق حليب
4ملاعق دقيق
3 اكواب مويا
الطريقه
1-اضيفي 4 ملاعق حليب في كوب واضيفي عليها المويا وذوبي الحليب مره
2- حطي 4 ملاعق دقيق بالقدر واضيفي عليه شويا زيت وسمن وحركيه مره تمام يصير شكل الدقيق زي العجين ناعم
3- اضيفي الحليب على الدقيق وحركيه حتى يذوب الدقيق ويصير المويا سائل مافيه بقايا دقيق
واضيفي بعد كذا كوبين مويا وحطيه عالنار وقلبيه تمام عشان مايصير كور الدقيق
انتهى الباشميل
وانتهت النص ساعه وقت الدجاج
طلعي الدجاج وفكي القصدير على صينيه
بعد كذا رشي الباشميل على الوجه تمام
وابشري جبنه كرفت شيدر
وضعيها على الوجه ايضا
ودخليها الفرن بس عشر دقايق وولعي النار من فوق بس
وبعد كذا طلعيها
كذا يصير شكلها
الف هنا وشفا على قلوبكم
لاتنسوا لازم اشوف ردودكم الحلوه
ودعواتكم ربي يرزقني بنونو حلو
لكم تحياتي