شوفو الكوخ اللي سويته بكيكه محروقه لاتفووتكم الصور ماشاء الله علي ههه

السلام عليكم
كيفكم فراشاتي الغاليات عساكم بخير يارب
بدخل بالسالفه على طول
اختي الصغنطووطه لها فتره تطلبني اسويلها كيكه تاخذها معها للمدرسه عشان تفلها مع صاحباتها
وكل يوم اصرفها مره مشغولة ومره مع بنتي ومره ضايق خلقي
طبعا انا حاليا عند اهلي وبسافر عنهم يوم السبت الجاي
يعني قربت روحتي وانا ماحققت امنيتها مع ان كل الطلبات موجوده بس انا عجاازة
عاد قررت قبل شو ي اسوي شي حلو بحياتي
واحقق لها امنيتها
قبل اسافر واتحسف بعدين
+++++++++++++++
دخلت المطبخ وخلطت كرتون بيتي كوكر مع بيضتين مع ثلث كاس زيت مع كاس مويه
= اخلصي تقل محد يعرف الطريقه الا انتي
ويوم خلطتهم سلمكم الله واحطهن بصينيتين
يقالي بسوي طبقتين وحركات خ
وشغلت الفرن
وانشغلت بتجهز الكريما
جبت كرتون دريم ويب 4 اكياس وزودت علهم كيس وحطيت فنجالين ماء
= حست ام الخريطه
وخلطتهن بالخلاط الكاس
مدري وش جاب الكاس بس هذا اللي لقيته بوجهي
وقسمت الخليط ل 3 اقسام متساوية
القسم الابيض حطيته بكيس نايلون راسه مزخرف حق الزينه
والقسم الثاني حطيت به ظرف كريمه عشان يتلون
والقسم الثالث خلطت معه شراب هيرشيز بس بالفرولة
ويوم خلصت طلعت الكيكه وحطيتها على جنب
ويوم بردت
وش اشوف
طلعت محروقه خ
لانها بالشوكلاته مانتبهت للحراق
يااربي وش اسوي
يمين ويسار
مع انه به مغلف كيك ثاني بس البيض مخلص اهئ اهئ
قلت لا مافيه لازم اسوي شي
وتحسفت بالكيكه
بعد صينيتين مو وحده
الناس يحرقون صينيه انا دبل خ
وش سويت تخيلو
دورت صحن مربع مو مرتفع مرره
وغلفته ببلاستك
وشلت الحراق من الكيكه وبديت احطها بالصحن المربع
واحط عليها شراب هيرشيز بالفرولة
وارصه بالملعقه
وارجع احط كيك مفتت
واصب فوقه هيرشيز شووي وارصه
واخذت شوي كريمه من الابيض وحطيت عليها شوكولاته بودره وحطيتها مع الكيكه وارص
على هالحال رص ورص لين خلصت الكميه
بعدين حطيتها بالفريزر
شوي يوم تماسكت طلعتها
طبعا صار شكلها مربع
قطعت الروس الثلاثه وخليت راس وااحد
ام الابداع ياناس
ركزو قطعت 3 روس والرابع خليته ههه
وقمت جبت الدريم ويب الابيض وحددت وزينت وحست ولخبطت
ورفعت وحطيت
وقعدت افكر
واتخيل البيوت اللي تجي بام بي سي توو =متاثره خ
وقعدت ارصرص
ويمين ويسار
وفوق وتحت
ِ
لين طلعلي
فتحو عيونكم
بعد شوي
بعد
ركزو بالقلب = فديت المواهب اللي عندي
بس احس الل خربها اني رشيت بودرة شوكولاته لان تحمست يقالي بكحلها عميتها
والا من اول صافيه وش حلاتها ههه
بس هذي اخرة الحمااس
+++++++++
اهم شي
قعدت اتخيل الطعم
اكيد انه خيال
وشوفو الشكل
ماكنها باين انها كيكه محروقه
واخر شي
جهزتلها اياها بهالحافظه
عشان يسهل حملها
شوفو كيف الحركات ههه
وصدقوني يابنات لوادري اني بنزل الصور كان صورت الطريقه خطوه خطوه
وكان سويت شي جديد وحركه جديده
مو انزلكم بيتي كوكر ودريم ويب خ
بس اللي شجعني انزل الصور
انو الواحد قدر يستفيد من الشي حتى لو كان خربان
يعني لو مافكرت شوي كان رميتها\
وبرميي لها ما اكون مقدره النعمه اللي انا فيها
وغيري ميت من الجوع
حبيت تستفيدو
ويالله كل وحده تخرب لها شي ترجع تصلحه وتحطه بموضوع
ووش رايكم الموضوع يتثبت
انو اللي تخرب طبخه او كيكه وتعدل فيها ترجع تنزلها بموضوع
شو رايكم
+++++++++++++++
دعواتكم لي....
حبيباتي الغاليات
اختكم
هنوسه