ضي العين أرجوج ماعندي حد يساعدني الا نتي ويوم الخميس قريب يويلي

مرحباعيوني الله يعينك ياقلبي
بس حبيت أعرف أنتي بتعمل التيس بالبيت يعني تخلية بشكلة محشي أو مقطع مشوي أو مطبوخ
إذا بتشوية تفضلي هذي التتبيلة
تشق الذبيحة من عدة أماكن وتنقع بالتتبيلة التالية لمدة ست ساعات أو أكثر.
المقادير
2/1 كوب خل
عصير نصف ليمونة
2/1 ملعقة صغيرة مطحون جوزة الطيب
2/1 ملعقة صغيرة مطحون القرنفل
فلفل أسود مطحون
بهارات
ملح
قبل الشوي تحضري التتبيلة التالية ويدهن بها الذبيحة جيدأ
2الى3 ملاعق طعام صلصة بندورة
عصير نصف ليمونة
القليل من مطحون جوزة الطيب
2 سن ثوم مدقوق أو مبشور
فلفل أسود
بهارات
ملح
الطريقة
تحشى الشقوق بأسنان من الثوم والفلفل الأسود الحب.بعدين تلفي الذبيحة بالقصدير
وتضعيها بالصينية
ضعي في الصينية كوب ماء عشان ماتنحرق
حطي الصينية في الفرن على حرارة 220 مئوية لمدةتقريباً خمس ساعات أو حتى ينضج
مع إضافة ماء للصينية كل ما جف ماؤها.
أماإذا بتطبخي اللحمة
برياني اللحم
تحتاجي
لحم
4 طماطم شرايح
4 بصلات
5 فصوص ثوم ..
علبة معجون ..
4 حبات بطاط ..
والبهارات عباره عن .. كاري .. فلفل ..علبة روب ..فلفل اسود .. مسمار .. هيل.. كمون .. لومي اسود ..
والعيش على حسب الضيوف
الطريقه
--------
يغسل اللحم ثم يقطع أحجام متوسطة
وبعدين تحطي القدر وتفوحي فيه اللحم مع بهارات .. دارسين خشن..ملح .. هيل .. مسمار .. فلفل اسود .. كمون ..
قليل من الكركم ..ويترك ألى أن ينضج اللحم
في هذا الاثناء تجهزي البصل شرائح والطماطم كذلك شرائح والبطاط يقطع شرائح ويقلي نص قلية
وبعدين تسوي الأرز (العيش) المشيخيله (تفوحي العيش مع ماي وملح وتشخلينة بالمشخال
وتخلينةعلى جنب
الحين تحطين زيت خفيف في القدر وتحمسين2حبة بصل و 3 حبات طماطم وكلهم مقطعة قطع صغيرة وتحركينهم وتحطين عليهم بهار .. فلفل اسود ولومي اسود وكمون ودارسين وشوي كاري وكركم وكزبرة وهذا كله مطحون طبعا وتحطين كم حبة مسمار خشن وهيل خشن وفلفل اسود خشن وتحمسينهم مع بعض ..
واذا نضج اللحم تشيلينه من الماي وتحطينه بالقدر مع الحمسه وتحمسينهم مع بعض وتحطين فوقه الثوم المهروس
عشان يشرب الريحه وتحركينه عدل وكل ماتشوفينه يتلزق حطي فوقه شوي من ماي اللحم وتحركينه وبعد شوي
حطي شوية معجون طماط يعني ملعقتين كبار و تحمسينه مع الخلطه
وبعدها بشوي حطي نص علبة روب وتقدرين تستغنين عن الروب
الحين تحطين الطماط والبصل والبطاط المقلي نص قليه فوق الخلطه
وتحركينهم عدل وطبعا لاتنسي تحطي ملح على الخلطه لان اللحم مطبوخ بدون ملح
الحين نجيب قدر حجمه زين ونسوي طبقات يعني نحط تحت شوية عيش وفوقه شويه من الخلطه
وبعدين عيش وفوقه خلطه يعني نصفهم فوق بعض بس اخر شي يكون العيش
لازم تجهزي الزعفران ويكون منقع بماي ورد ..
الحين ترشين الزعفران فوق العيش عشان لون العيش يصير اصفر من الخلطه والزعفران وتسكرون القدر وتحطونه
تحت حديده وعلى نار هاديه .. وعليك بالعافيه ..
أتمنى ياقلبي أكون أفدتك
تقبلي تحياتي