طالبات ثاني ثانوي علمي او استاذات الفيزياء الرجاء المساعدة

والله كان نفسي اساعدك بس هذا يبغالو الكتاب والشرح عملي

\
مرحباً ...
ياليتني أقدر اسااعدك
بس تدرين أنا في المدرسه الاسبوع اللي فات فهمووني وياه البنات ..
تقدرين تشترين كتاب تبسيط
ل ناصر آل عبد الكريم ... <<< كذا اسمو إذا مو غلطانه
بس اسمو سلسلة التبسيط ل الفيزياء
وفي لل الكيمياء وَ الرياضيات ...
وراح يساعدك كثير ..
/
تحياتي
^_^ مارينو ^_^

انا بشرح لك وان شاءالله تفهمين علي
شوفي حبيبتي عندك المثال 1-2 ص28
اول شي نسويه نرسم القوى مع زواياها
انتي تعرفين طبعا المحاور السينيه والصاديه
مثل الشكل 1-22
وعندنا 4 ارباع
يعني الربع الاول راح يكون من صفرْ الى 90 درجة
وراح تكون السين بالموجب والصاد بالموجب حلو؟
الربع الثاني راح يكون من 90 الى 180 درجه
السين تكون بالسالب والصاد موجب
الربع الثالث راح يكون من 180 الى 270
السين والصاد كلها سالب
والربع الرابع من 270 الى 360 درجه
السين راح تكون موجب والصاد سالب
حلو ؟؟
نجي اللحين عند توزيع الزوايا
بالنسبه ل ه1=30 درجه تكون بالربع الاول
ه2=110 كيف احسبها اللحين؟؟
عندك الربع الثاني من 90 الى 180 صح؟؟
انا ماراح اخذ 110 من الربع الثاني كلها ..لا راح اخذها بالطريقه هذي
تقولين 90+20=110 صح؟
يعني اخذ من الربع الثاني زاويه قدرها 20 فقط
ومثلها في ه3=230
يعني تكون بالربع الثالث لان الزاويه 230 تقع بين 180 و 270
لكن ماراح اخذ 230 كلها
راح اقول 180+50=230
يعني اخذ من الربع الثالث زاويه قدرها 50 فقط
نجي اللحين عند الخطوه الثانيه اللي هي اننا نحلل كل قوى الى مركبات سينيه ق س ومركبات صادية ق ص
ق1 10
المركبه السينيه ق س =10جتا30
اخذت هنا جتا لان س مجاوره للزاويه 30
المركبة الصاديه ق ص =10جا30
اخذت هنا جا لان ص مقابل للزاويه 30
.......
ق2 20
ق س=-40جا 20
اخذت هنا جا لان س مقابله للزاوبه 20 وتقع في الربع الثاني اللي يكون فيه س سالب وص موجب عرفتي؟
ق ص=40جتا 20
اخذت جتا لان ص مجاوره للزاويه 20
......
ق3 50
ق س =-50جتا 50
اخذت جتا لان س مجاوره للزاويه 50 والسالب لانها تقع في الربع الثالث اللي يكون فيه س و ص بالسالب
ق ص=-50جا50
اخذت جا لان ص مقابله للزاويه 50 والسالب لانها في الربع الثالث
.......
الخطوه الثالثه اللحين احسب المجموع الجبري للمركبات السينيه مع بعض والمركبات الصاديه مع بعض
اولا المجموع الجبري للمركبات السينيه اخذه من الجدول اللي موجود بالمثال
تقولين 10جتا30-40جا20-50جتا50
تساوي 1,5-36,5-48,2=-37,2 نيوتن
طبعا شغلك بيكون على الحاسبه من دونها حلك خطأ
واذا ماتعرفين كيف تحسبين الجتا والجا بالحاسبه
لما تحسبينها بالحاسبه يكون عندك
sin اللي هي جا
cos اللي هي جتا
tan اللي هي ظا حلو
عندك مثلا 10جتا30 كيف احسبها اللحين؟؟
تسوين cos30×10
يطلع لك 1,5
ومثلها بالامثله الباقيه
اذا نقول المجموع الجبري للمركبات السينيه -37,2
اللحين المجموع الجبري للمركبات الصاديه
10جا30+40جتا20-50جا50
تطلعينها بالحاسبه والنتيجة النهائيه تكون 4,28 نيوتن
......
اللحين عندي حساب المحصله كيف؟؟
تقولين ح=جذر المركبات السينيه +المركبات الصاديه وكلهم بالتربيع
ح=-37,2 تربيع+4,28تربيع
ح=37,4 نيوتن
اذا المحصله طلعت 37.4 نيوتن طيب اللحين اكيد تبين تعرفين هي في اي ربع تقع
وش تسوين تاخذين المجموع الجبري للمركبات السينيه اللي هو -37,2
والمركبات الصادية 4,28
طلع لي السين سالب والصاد موجب صح؟؟
وش الربع اللي تكون فيه السينات سالبه والصادات موجبه؟؟اللي هو الربع الثاني صح؟
ترسمين المحور السيني مع الصادي وتطلعين خط من الربع الثاني يمثل المحصله مثل الشكل 1-23
......
اخر شي عندك اللي هو تحديد اتجاه المحصله
عندك بالكتاب حاطين جاو=المقابل/الوتر
ق ص ÷ح
4,28÷37,4=0,114
تروحين تسوين كذا
و=جا -1 يعني اس سالب 1 وتحسبينها بالحاسبه
تضغطين shift sin 0,114
يطلع لك 6,55 ْ
وتحسبين الجتا مثلها
بس تقولين جتاو=المجاور/الوتر
ق س÷ح
-37,2÷37,4=,994-
و=جتا -1 اس سالب 1
ونفس الطريقه بالحاسبه تبدلين sin وتحطين cos
ويطلع لك الحل
.......
تشوفين الشرح طويل والخطوات كثيره لكن لما تتدربين مره وثنتين تطلع سهله وصدقيني مره حلوه الطريقه هذي ولاتخافين
واتمنى اتمنى يكون شرحي واضح وفهمتي علي
واي استفسار ارسلي لي مسج عشان اشوفها
لاني شوي وبطلع عندي بكرا اختبار بعد
بالتوفيق حبيبتي

تسلمين حبيبتي ع الشرح ... صراحه هالدرس مسبب لي عقدة نفسيه
لاني ما انتبهت مع شرح المعلمه.. طلع الدرس بالنسبه لي صعب ....
احس اني فاهمه ومو فاهمه..
لكن مع التكرار ان شاء الله يسهل علي...
واذا كان عندي اي استفسار ... بالنسبة للفيزياء..
ما

woOoOw
تسلمين حبيبتي ع الشرح ... صراحه هالدرس مسبب لي عقدة نفسيه
لاني ما انتبهت مع شرح المعلمه.. طلع الدرس بالنسبه لي صعب ....
احس اني فاهمه ومو فاهمه..
لكن مع التكرار ان شاء الله يسهل علي...
واذا كان عندي اي استفسار ... بالنسبة للفيزياء..
ما راح اتردد واسألك .. (معليش طاقتها مايانه)...
مشكورة حبيبتي للمرة الثانية...
ملكة الإحساس....