طبخاتي اللي أمشي عليها في رجيمي والحمدالله نحفتني كثيير ولله الحمد والشكر

السلام عليكم ورحمه الله وبركاته .
نظامي مثل في موضوع انا كتبته انا ما اكل اي شي
اشياء كثيره ماحبه مثل اللحوم الاجبان الحليب الاسماك
يعني اغلب الاشياء ماحبها الله يديم من النعمه
وبعدها سويت انظمه انا امشي عليها وسبحان الله فاد معي الحمدالله..
وكان هذا الموضوع عملته فتره
http://alfrasha.maktoob.com/alfrasha19/thread781522/
المهم
وحده الله ينحفها من غير شر ويسعدها ..
طلبت مني الاكلات اللي اسويه برجيمي واسلوب طريقتي في رجيمي
وقررت انزله للجميع عشان الدبدوبات الحلوات يستفيدون وحتى العصلات *_^
والحمدالله هالاكلات اللي انا استخدمها وهي اللي ساعدتني بنزول وزني ,,
اكلاتي اللي امشي عليها في يوومياتي
ملاحظه
انا في اكلي استخدم الزيت العادي
عشان اذ وقفت عن الرجيم واكلت زيت باكلي ما ارجع اسمن
والحمدالله بالعكس احط باعتدال ولا سمنت بالعكس انحف
وحتى السكر في الدايت حقي اكل سكر وبعد بالرغبه اللي ابييه
لاني ماكل حلا طول يوومي احاول يعطيني السكر طاقه
كل شي يابنات بااعتدال بالعكس ينحف مايسمن وخذوها قاعده
وحتى الخبز اكل الخبز الابيض العادي
في بدايه رجيمي كنت اكل بر بس بعدهاا لا رجعت اكل خبز عادي
والحمدالله ماعمره اثر علي ابدا
وحدي في اليوم (نص خبزه ) او (نص خبزه وربع في الوجبه الثانيه)
بس غير كذا ما اخذ ..
اول شي ببدا في الاكلات اللي فعلاً جربوها البنات مني وحبوها مرره
التوته والفول
بسم الله
قبل لا أبد
ترا يابنات اغلب مقاديري متشابهه يعني راح يسهل عليكم : )
نجي ( التونه )
اذ كانت علبه صغيره سويتها كلها او اذ كانت علبه كبيره سويت نصها..
اقطع حلقات بصل +فلفل اخضر بارد واحمسهم بزيت
عادي ترا انا بطبخي احط زيت عادي بس احاول ما اكثر
المهم احمسهم لين يكوون احمر مره
واحط التونه واقصر على النار واحط بهارات واحط بدال الملح نص قطعه او ربع قطعه ماجي واحط ليموون اسوود يمي يطلع طعمه خيالي,,
( الفول )
الفول اسويه بطريقتين
(( الطريقه الاولى ))
افتح علبه الفول
واخذ اكت او (اكب) بالقدر او المقلى نص العلبه
واهرس الفول
واشب النهار واحط عليه زيت عادي بس بكميه قليله
واحط عليه بهارات اللي احبها واحط ربع ماجي
او نص ملقعه صغيره ملح
واهم شي انا اموت بشي اسمه شي حامض
احط عليه صلصاء على حسب الرغبه
وبس اقصر على النار وأخلييه يطبخ ليين يقول بس
وبعدها اطفى النار
وحطه بصحن
واحيانا اشتهي زيت الزيتون واحط لي نقطتين عن خااطري
وبس واكله والله خيالي طعمه
اما (( الطريقه الثانيه ))
اخذ علبه فول او نصها
وافتحها واحطها بالخلاطه
واقطع بصل واقطع فلفل اخضر
واحطهم كلهم جميعاً مع الفول بالخلاطه
واخلطهم لين يتخلطون مع بعض
وبعدها
اخذ قدر
واحط الفول فيه
واحطه على النار واحط عليه بهارات وربع ماجي او ملقعه ملح صغيره
وشويه زيت واقصر على النار واحط الغطاء على القدر واخليه يطبخ لين يقول بس
وترا ملاحظه الفول اذ كان بالخلاطه يطلع كثيير
يعني لو تسوين قوطي (علبه) مشاء الله يكفي البيت كله *_^
( الفاصوليا )>>تكون معلبه
اخذ بصله كبيره واقطعها حلقات او شرائح طويله
واخذ الفلفل الاخضر البارد واقطعه
واحيانا احط طماط واحيانا لا
بس المهم احمس البصل والفلفل مع بعض ليين يصير لونهم احمر
وبعدها احط الطماط
وعلى بال يذووب
افتح علبه الفاصوليا
واحط عليهم واحركهم مع بعض
واحط عليهم بهارات وشويه زيت
ملاحظه الفاصوليا ما تنحط عليها ملح لانها شويه حالييه
اذ بتحطون ملح بيخترب طعمها *_^
وبس بالعافيه
( البازاليا او البازلاء )
صراحه اخذها كل العلبه والحمدالله الكل يتعقد ان سرعتها كثيره لانها ثقيله بس طلع بالعكس
مره زينه للجسم وسعراته مو كثيره وحتى ينصحون تاكلون كل العلبه
المهم
اقطع بصل حلقاات
واقطع فلفل اخضر بارد
واحمسهم ويا بعض
وبعدها احط البازاليا
واقصر الناار
واحط شوويه زيت
وربع ماجي
واهم شي الصلصاء احط بالرغبه اللي ابييه
واقفل الغطاء واخلييه يطبخ ليين يقوول بس
وبس هذا تقريباً الطريقه
( البيض )
البيض صراحه احبه مره مستوي
ماحبه اي كلام لا
مثل البيض العيون
أخذ لي بيضتين
احط المقلى على النار واحط عليها زيت واخلييه لين يطلع صووت>>>نيابه عن صاار حاامي
المهم
واحط البيضتين عليهم >>>طبعاً ماخلطتهم لان ابيهم عيون
المهم واحطه على الزيت
واقصر النار على اقصر شي مره
واذر فوقه شويه ملح
وشويه فلفل حار اسود
واحط عليهم غطااء
واخلييه يستوي مره حتى البيض يستوي يصير كنه بيض مسلووق
ماكنه بيض عيون
اخلييه حتى اكثر من ربع ساعه وهو يستوي
عشان تستوي العيون والبيض يصير يرمش
يمي وبالعافيه
او
( الطريقه 2)
اخذ بيضتين واحطهم في باديه
واخلطهم واحط شويه ملح
واخذ الملقى واحطه على النار واحط عليه زيت
واخليه لين يصير حامي
واحط البيض على الناار
واذر عليه فلفل اسود حار
واخليه ينلقى البيض ليين يصير الجهه الاولى حمرره مره
وبعدها اقلبه للجهه الثانيه واخلييه لين يصير احمر
وبس وبالعافيه
وصح احيانا احط عليه بهار وهو يطبخ
او بصل مطحون يطلع خيالي
( الطريقه 3 )
عجه البيض >>>خياليه تموت وربي صحيح غريبه بس اعشقها
اقطع بصل بحسب الرغبه اللي ابيهاا
واقطع فلفل اخضر بارد
واقطع جزر
واحطهم بالقدر
واحط عليه موويه عشاان ينضج يطببخ عشان مابي البصل يحترق ولا الخضروات لا ابيهم ينضجون عشان يطلع طعمه شي
المهم بعد مانشوف شكله نضج
احط زيت واخليهم ينقلوون شويه
وبعدها احط عليه البيض
واخلهم مع بعض بسرعه عشان ينخلطون مع بعض
واحط عليهم بهاارات وماجي
واغطيه شوويه
وبس بعده احطه بالصحن وبالعافيه
( الطريقه الرابعه )
بيض مسلوق اظن الكل يعرفه
اخذ بيضتين واحطهم بمويه بقدر واحطه على النار
واحط خفيف ملح
وبس اخلييه يفووح ليين يقوول بس
وانا احبه مره مستوي
وصراحه اخليه نص ساعه : )
اهلي يقولون مجنونه بيض مسلوق نص ساعه
بس ارد عليهم واقول كبدي شينه ماتحب الا كل شي ناضج
ومستوي غيره ماكله *_(^
وبالعافيه
ام
والبااقي من اكلاتي
اكل كورن فليكس باديه مع شاهي
او
3 او 4 او 5 حبات شابوره
او
2 هبرجر
احط بمقلى او طابي واحط بالفرن
واخلييه ليين يكوون احمرر مره
او صدر دجاجه مشويه مع سلطه
صراحه ماعمري سويت دجاج الصراحه لاني من اللحوم ما اكل الا الدجاج والتونه
واخاف اسوي الدجاج او اقطعه وبعدين اكرهه : ( ولا عاد اكله
عشان كذا للحين ماجربت اطبخه
اخلي الوالده اللي يحفظها اذ طبخت الغدا تحسبني بصدر دجاجه
واحيانا
بس مو دائما انتبهوو عشان سعراته عاليه
اكل 1 بكت اندوومي
واليوم اللي اكل فيه اندومي
اخلي بقيه يوومي خفيف : )
ام
هذا تقريباً الطبخاات اللي اسويها برجيمي الحمدالله هي اللي ساعدتني على النحف وللآن مستمره عليهاا ^_^
واي سؤال من عيوني
واتمنى للجميع الرشاقه والصحه الدائماً
والحمدالله كما ينبغي لجلال وجهك وعظيم سلطانك
واعذروني اذ فيه اغلاط او شي
كتبته على عجل..
وان شاء الله اذ فيه شي جديد او نسيته راح اضيفه
واذ استفدتو فعلاً ابي دعوه صادقه بظهر الغيب
لاعدمتكم..
مودتي..
اختكم
طيبةحيل
27/9/2009 (شهر رمضان)