طريقة عمل الارز Help

مرحبا اختى انا ممكن اعرفك طريقة الارز الابيض بس للاسف من غير صور
تنقى الرز وتغسيله جيدا وتجيبى قدر وتسيحى السمن او الزبد فيه وتحطى عليه ماء وتتركيه حتى يغلى وبعدين تضعى الرز عليه وتضعى الملح والبهارات مع التقليب ولازم الماء يغطى الرز وعندما يغلى الرز تهدى النار عليه وتتركيه حتى ينضج
وتتحكمى فى مقدار الماء لو حبيته لين او ناشف
اتمنى ان اكون افدتك ان شاء الله

ام .. انزين اختي حددي لي بالمقدار انا بغيت لشخصين

عالعموم .. ثانكيوو

أنا طريقتي لأرز الأبيض أنقع الرز بعد غسله جيدا بعدين أكشن الرز وأحط حبات كلا من : الهيل القرفه والمسمار
ولاتنسين سمن طبيعي فلفل حار (أخضر ) ليمون أسود وملعقة ماجي أبيض(ملح صيني )وإذا غلى اكب الرزوأقصر النار وإذا نشف صبي عليه شوي زيت زيتون ,,,,,,,,,,,,,
أتمنى أكون أفتدك ,,,,,,,,,,,
ملاحظه أن حديث زواج وزوجي يموت في الرز وتوني متعلمه الرز وأبغى أتعلمه مره مره لين يطلع لذيذ مره

انا الرز الابيض اللي اسويه مرة بسيط ولذيذ شوفي اذا انتم شخصي بيكفيكم كاس وربع رز بسمتي وافضل شئ رز الوسام اغسليهم بالليل وانقعيهم وحطيهم بالثلاجة للغداء حطي بالقدر زيت عافيه تقريبا ثلاث ملاعق وبعدين سخنيهم وحطي الرز فوقهم وقلبيه لمده 5دقايق حطي الملح وبعدين المويه بشرط تكون المويه تغطي الرز بس يعني موكثير وطولي النار وانتي مميلة غطاءالقدر يعني نصه مفتوح مجرد ماتشوفين المويه خلصت قصري عليه مرةوواسيه بالملعقه وغطيه ربع ساعه وبيطلع لك منثور ولذيذ000000000000

تصدقين يا فروحة ان هذا ول سؤال سألته امي بعد ما تزوجت.....واول مرة يطلع فيها الارز اوكي كان في شهر 6 سنة 2006 وكنت وايد فرحانه وصورته....
طريقة الاخوات صحيحة 100% اهم شيء انك تحاولين اول بكميات صغيرة.....يعني كوب واحد من الارز وبعدين مع الايام زيدي الكمية....وكوبين من الارز ترى يكفي 3 اشخاص تقريبا

مشكوورات خواتي .. ويزاكن الله خير

عزيزتي بالنسبه للكميه كوب الرز يحتاج كوبين ماء
ولو تحطين معه شوي كمون يطلع روعه

يسلمو ياقلبو على الافاده
طيب بنات حبيت اسألكم كيف نسوي الملوخيه ؟؟