طريقة عمل البرستد

شوفي اختي انا اسوي البرستد ويطلع خيال ما شاء الله
واظمن لك ان شاء الله ان سويتي طريقتي يصير يجنن
قطعي الدجاجه قطع مناسبه..
وسوي هذي الخلطه ونقعيها فيها 3 ساعات وكل ما يزيد الوقت كل ما يصير احلى
الخلطه:(بالخلاط)
حطي فصين ثوم كبار او 3 صغار
وحطي ملعقه بهارات
وملعقه كمون
ونصف كأس ماء
واذا تبين تكون شوي حار
حطي فلفل احمر الحار
وطبعا لا تنسين الملح(كثري شوي)والفلفل الاسود
ومثل ما قلت لك نقعيها 3 ساعات او اكثر
ثم اكسري عليهم بيضه وحده واخلطي الدجاج زين
وتكوني خالطه دقيق مع بقسماط (كأس من كل واحد)
وطلعي الجاج من الخلطه وقلبيه بالطحين والبقسماط
واقليه بزين حامي من قبل ولا يكون حار مره عشان ما يحرقها من برا ولا تستوي من جوا
يعني يكون الزين حار وقبل ما تحطين قطع الدجاج خليه وسط
ولو عندك القلايه الكهرباء يكون افضل..
وبس هذي الطريقه ان شاء الله اكون افدتك
دعواتك لي بالشفاء العاجل...

الف الف شكر
جزاك الله خير

الله يشفيك ويعافيك

الله يعطيك الف عافيه والله يشفيك من كل مرض يارب