طريقة عمل الجريش

هلا اختي
اتمنى اكتب لك الطريقه وبتفيدك باذن الله
جيبي قدر وقطعي فيه بصل وزيت واذا حصل ودك يكون احسن والذ(شحم مذاب) واحمسيه عالنار وحطي ملح وماجي ابيض واضيفي المويه وحطي عليها جريش +رزمصري مخلوطين وخلي الماء كثير نوعا ما وخليه يطبخ كل ما طول كان الذ وعليك بالعافيه اتمنى يعجبك وانا احط فوقها بزار الي هو بصل محموس مع شوي زيت واحطه فوقه اذا جيت اقدمه واحط كوسه مطبوخه بالماء والملح ويطلع لذيذ
وللمعلوميه هذي طريقتي وكل اهلي يحبونها مني اتمنى تنضبط معاك والله يوفقك و

صباح الخيرات جربي طريقتي وبتدعين لي وهو تاخذين مويه حوالي نص القدر وتفوحينها بعدين تضيفين 2ملعقة كمون وثلاثة ماجي وفلفل حار (قرون) وزيت وبعدين إذا غلا ماسبق مع الموية تضيفين الجريش وتخلينها على نار هادئة طبعا راح ينشف وكل مااحتاج للماء تضيفين له مو ماء بل لبن الى أن يصل مقدار اللبن الي اضفتيه حوالي كاسين وبعد ماستوي ويذوب تقدمينه وعند التقديم تمسحين عليه في الصحن وتسطعينه بالزبد وعليه حشو وهو تقصصين البصل الى جوانح رفيعه وتحمسينها على النار مع الزيت بعدين تضيفين لها الليمون الاسود البودرة وتضعينها على الجريش وبالهناء والعافية.............

انا طريقتي هي اللي بتعجبك ان شاء الله جريش قصيمية مية بالمية
تحمسين البصل بدهن ولو كان مثل ماقالت الاخت شاملة شحم مذاب بس لو ماحصل عادي المهم تحمسينه مع اللحمة اذا حبتي وشوية كمون ===>ترا الجريش مايبيله الا كمون
المهم تحمسينهم شوي همن تصبين اللبن علبة او على حسب كمية الجريش واخلطيه بماء بس لاتكثرين الماء وتخلينه شوي الين يغلي همن تحطين الجريش والجريش لازم تغسلينه قبل وتخلطين معه شوي رز عادي او مصري كله واحد المهم انتي اكيد تتسائلين وش كثر صح؟ ==>مسوية فاهمة
الجريش قيسي كثر اللي تقيسينه للرز انتي وش كثر تسوين رز؟ المهم وتحطين معه زي ماقلت شوي رز لاتكثرين
عاد بعد مايغلي اللبن والماء تحطين الجريش وخليه على نار هادية لمدة ساعتين مع التحريك كل ربع ساعة
صدقين هذا هو الجريش انا قصيمية وهذا اللي حنا نزينه وبيطلع يجن ترا تقدرين تحطين ماجي ابيض بس مانصحك فيه حطي ملح ليمون احلا
واذا خلص اعصري ليمونة وصبيها عالجريش اول ماتطفين عليه وبعدين بالهناء والشفاء واذا طلع حلو ادعيلي باللزوج الصالح

المقادير :
1 كأس جريش (الكأس يعادل المد أو علبة نيدو صغيره)
بصلتين
1 علبه لبن حجم وسط ( اللي ب 3 ريال)
1 ملعقه كبيره ملح خشن (أو ناعم ولكن الأفضل يكون خشن)
1 ملعقه كبيره كمون
3 حبات فلفل أحمر حار
4 كاسات كبيره ماء حار
إصبعين زبده
الطريقه:
يغسل الجريش جيدا وينظف ثم يصفى ويترك على جنب و يقطع البصل صغيرا ويحمر بنصف إصبع زبده على النار ثم لما يذبل شوي ويصبح لونه مائل للأصفر نسكب عليه 4 كاسات ماء حار ثم نضيف الجريش على الماء الحار بالقدر ويترك لمدة ربع ساعه على نار هادئه بعد ذلك نضيف اللبن على الجريش و نخلط اللبن مع الجريش شوي شوي والأفضل نستخدم ملعقه خشب ثم نرش عليها الملح ونرجع نغطي القدر لمده ربع ساعه ,بعد كذا نفتح القدر ونشوف إذا كان الجريش بدأ يشرب اللبن نرش عليه الكمون و نضع فوقه الفلفل الأحمر الحار وبعدين نغطي القدر ونخليه لمده ساعتين ونصف إلى 3 ساعات (ولازم كل شوي نشيك على الجريش لأنه يكون على حسب قوة النار ) طبعا لازم يكون على نار هاديه ونحط بعد تحت القدر حديده علشان ما يحترق الجريش من تحت..لما يستوي الجريش ويشرب كل اللبن وتصير حبته طريه وملحه كويس نذوب في قدر إصبع ونصف زبده ونسكب الجريش في (الباديه ) أو صينيه (للمتطورين أوالمودرن ) ثم نغمس الزبده فيها (يعني نسوي حفره بسيطه ونصب فيها زبده ) وما ننسى نحط عليه الفلفل الأحمر الحار..
وبالهنا والشفاء

يا حبي لكم يا بنات الفراشه
مهما لفيت ما الاقي مثلكم متعاونات مره
انا بسويلي منتدى وابسرقكم فيه خ

:aw11
بسم الله الرحمن الرحيم
اهلا حبيبتي وانا زوجي يوموت على الجريش وراح اعلمك طريقه سهله وسريعه واتمنى انك تذوقيها عندي تفضلي انا في تبوك
خطوات عمل الجريش :
انقعي الجريش في وعاء ثم قطعي البصل وضعيه في قدر الطبخ مع الزيت او السمن حتى يحمر لونه ثم احضري الدجاج المقطع وضعيه على البصل وتضعي مكعبات ماجي بس علبه او علبتان ثم ضعي الماء وغطي القدر حتى يستوي الدجاج نص سويه اغسلي الجريش جيدآ وضعيه على الدجاج وخليه يطبخ لازم تحركي كل شوي علشان ماتلزق الجريش في القدر وكيف تعرفي الجريش استوت تاخذي شوي في ملعقه وترصي على الجريش في اصبعك اذا شفتيها لينه كذا استوت وحضري لبن الطبخ واحسن شي( لبن مخيض الطائف)وضعيه على الجريش حتى يطبخ لمايثقل شوي قدميه الى زوجك بلتوفيق
وبلهناء والشفاء وارجو دعواتكم لي

با العافيه
ماقصرو البنات

واو معليش حبيبتي انا ما اعرف لان ماما هي الي تسويههه
لاتنسين ارقام وحروف اسرقيني معاهم لمنتداك
ههها اي

من رد الاخت مايسة
المقادير :
1 كأس جريش (الكأس يعادل المد أو علبة نيدو صغيره)
بصلتين
1 علبه لبن حجم وسط ( اللي ب 3 ريال)
1 ملعقه كبيره ملح خشن (أو ناعم ولكن الأفضل يكون خشن)
1 ملعقه كبيره كمون
3 حبات فلفل أحمر حار
4 كاسات كبيره ماء حار
إصبعين زبده
الطريقه:
يغسل الجريش جيدا وينظف ثم يصفى ويترك على جنب و يقطع البصل صغيرا ويحمر بنصف إصبع زبده على النار ثم لما يذبل شوي ويصبح لونه مائل للأصفر نسكب عليه 4 كاسات ماء حار ثم نضيف الجريش على الماء الحار بالقدر ويترك لمدة ربع ساعه على نار هادئه بعد ذلك نضيف اللبن على الجريش و نخلط اللبن مع الجريش شوي شوي والأفضل نستخدم ملعقه خشب ثم نرش عليها الملح ونرجع نغطي القدر لمده ربع ساعه ,بعد كذا نفتح القدر ونشوف إذا كان الجريش بدأ يشرب اللبن نرش عليه الكمون و نضع فوقه الفلفل الأحمر الحار وبعدين نغطي القدر ونخليه لمده ساعتين ونصف إلى 3 ساعات (ولازم كل شوي نشيك على الجريش لأنه يكون على حسب قوة النار ) طبعا لازم يكون على نار هاديه ونحط بعد تحت القدر حديده علشان ما يحترق الجريش من تحت..لما يستوي الجريش ويشرب كل اللبن وتصير حبته طريه وملحه كويس نذوب في قدر إصبع ونصف زبده ونسكب الجريش في (الباديه ) أو صينيه (للمتطورين أوالمودرن ) ثم نغمس الزبده فيها (يعني نسوي حفره بسيطه ونصب فيها زبده ) وما ننسى نحط عليه الفلفل الأحمر الحار..اخت مايسة كفت ووفت مقادير وطريقة ممتازةوالطعم اروع جربتها وجربوها