طريقة عمل مكبوس الربيان طريقة سهله وحلوه

السلام عليكم ورحمة الله وبركاته
اليوم جايبه طريقة مكبوس الربيان وان شاء الله تعجبكم
المقادير:
كيلو ربيان مقشر / كوبين رز / 2-3ملاعق زبده/ 2-3 فص ثوم مفروم / بصلة كبيره مفرومه /حبتين طماطم كبيره مقشره ومفرومه / ملعقه كزبره مفرومه ومثلها بقدونس
2ملعقه صغيره بهارات مشكله(كمون كزبره فلفل اسود قرفه فلفل ابيض) /ملعقة صغيره كركم/كوبين ونص ماء
الطريقة:
في قدر تحطين الزبده 2ملعقه/ والثوم ومعاها الربياان <<< يازين ريحتها تهبل وتقلبين الين يتحمر الربيان شوي وبعدين ترفعيه على جنب في نفس القدر تحطين باقي الزبده والبصل الين يذبل ويحمر شوي وتحطين البهارات فوقه والكركم وتقلبين وبعدين تحطي الطماطم المفرومه والاعشاب (الكزبره والبقدونس)وتقلبين وتحطي الملح وبعدين كوبين ونص ماء وتخليه الين يبدا يغلي وبعدين الرز المنقوع وتخليه وقبل ما ينشف الرز يعني اذا صار نص استواء تحطي فوقه الربيان وقلبه وحده وخفضي النار الين يستوي الرز
وبكذا خلصنا وبالف عافيه يقدم مع الشطه الحااره اللي تتصلح في البيت احسن واحلى بالطعم
جربوها