عجينة بيتزا للازمات هشة وطرية جنان

هذي طريقتي :
المقادير :
2 كوب دقيق ابيض( يفضل الكويتي)2 ملعقة اكل سمنة نباتية او زيت
1 ملعقة اكل سكر
2 ملعقة اكل حليب بودرة
1\4 ملعقة شاي خميرة فورية
1 ملعقة اكل خميرة كيك
رشة ملح
من 1-2 فنجان ماء ويكون دافي شوي
الطريقة :نحط السمنة على الدقيق ونفركها جيدا ونحط معاها كل المقادير الجافة بدون الماء ونفرك المقادير جيدا بعدين نحط الماء شوي شوي الين نحصل على عجينة متماسكه ومتوسطة نعجنها جيدا ونتركها في مكان دافيء لمدة ربع الساعة نرجع نلتها مرة ثانية وبعدين نفردها في صينية (حجمها يكون حسب ما تحبي سماكة العجينه) وبعدين نحط الحشوة .
الحشوة : حطي في الخلاط 2 حبة طماطم متوسط ، 2 فص ثوم ، اوراق من الحبق او الريحان ،اخلطيهم وبعدين خذيها وحطيها على ملعقة اكل زيت نباتي في قدر على النار لمدة 5 دقايق وحطي معاهم ملعقة كاتشب و ماجي والبهارات اللي اتحبيها وممكن نقانق مقطعة شرايح .
التزيين : فردنا العجينة بالصينية نحط جبنة موزاريلا وشيدر مع بعض ، بعدين حشوة الطماطم بعدي نشرائح من كل من (فلفل اخضر ،بصل ، زيتون ) بعدين نغطيها بالموزاريلا ثم ندخلها فرن حار لمدة عشر دقايق الى ربع ساعة حسب السماكة