عندك مناسبه وتبين اكل نظيف وجاهز تعالي هنا وخذي الارقام الي تبينها

1. مساء الفل يابنات


2. بالرياض


3. للشعبيات انا اعرف ام ساره


4. بالشرقيه


5. وحده اسمها ام هشام

مساء الفل يابنات

تصير احيانا كثير اذا عندك مناسبه وماتعرفين تطبخين مثلي او مافيه وقت ومحتاجه شي يواجه قدام الناس ويبيض وجهك ودك احد يسوي عنك هالاشياء زي الشعبيات الي مايعرف يسويها الا بنات البلد مو هالمطاعم الجريش مويه وابيض كنه سليق والقرصان ناشف والمرقوق الله يعز النعمه لا والمشكله المعجنات تجيك حشواتها لا بهارات ولا يحزنون وحشوه وحده لجميع المعجنات
المهم وش رايكم نتعاون الي تعرف رقم وحده تسوي شعبيات او معجنات وبس بشرط يابنات تكون حلوه ونظيفه ويصير هذا ملف للجميع سواء بجده بالرياض بالشرقيه وا اي مناطق ثانيه ادخلي واسالي ويردون عليك البنات بالرقم عالخاص وريحي وارتاحي
( بنقلب الفراشه 905 ) ههه
عموما انا ببدأ

بالرياض

للشعبيات انا اعرف ام ساره

واكلها جربته بمناسبا ت كثيره ماشاء الله تبارك الله روعه وطعم اكلها لذيذ وتسوي لك بوفيه شعبي كامل مع الديكور اذا تبين صحيح جربت غيرها اكلهم حلو بس ما اعرف ارقامهم ام ساره متعاملين معها الي تبي رقمها خاص
المعجنات بصراحه ما ادري ياليت الي بالرياض تفيدنا جربت كثير بس ماعندي لهم ارقام

بالشرقيه

وحده اسمها ام هشام

حلويات قهوه وموالح للشاي وللفريزر واسعارها معقوله مو مثل غيرها تحسب بالكيلو لا بالعلبه وشغلها مرتب وحشواتها مميزه والاهم انها توصل للمنازل يعني تريحك على الاخر وعندها انواع السمبوسات والبوف والصوص حقها يم يم وتحطها لك بعلب حلوه مره تحفضينها بالفريزر واذا جاك احد طلعيها واقليها وكانها طازجه والاهم من هذا كله انها نفسيتها حلوه وحبوبه مره بالتعامل حضرنا مناسبه بالشرقيه وشفنا تقديمهم يجنن وحلوياتهم طعمه واخذنا رقمها وتعاملنا معها بزواج اخوي وبصراحه بيضت وجهنا وتطلبين منها وانتي مرتاحه ،،
بجده
بصراحه ماعرف احد
خلاص عاد يابنات والله خرت سعابيلي اشتهيت اكلها بس انا بالرياض الحين من يجيب لي منها
يالله عاد الله الله بالردود الزينه وافيدونا بما عندكم ..