غدانا بالصور سهل وخفيف حياكم الله

السلام عليكم ورحمة الله وبركاته
شخبار حبايبنا اليوم وكل يوم؟؟؟؟
اليوم سويت غدانا اللي محد صحا من الأهل يذوقه لكن البركة بأمي وخواتي الكتكوتات
الله لايحرمني منهم قاموا لطوه بألف عافية عليهم وماخلوا شي بالصحن من لذة الطعم.....<<<<<مداح نفسه يبي له..........
بأقول لكم وش اللي نحتاجة....
1/نحتاج خبز مقلي ونصب عليه الصوص ومقاديره كالاتي :
راس ثوم مفروم نحمسه مع الزيت ونضيف له كوب ماي مغلي ونص كوب خل أبيض مع مكعب ماجي وتغلينه شوي بعدين تصبينه عالخبز المفروش
بصحن التقديم مثل كذا:
وبعدين تجهزين الرز الابيض البسمتي المسلوق بالماي والملح والزيت
بعدكذا تجهزين الدقوس وهوعبارة عن 4طماطم مفرومه بالخلاط مع ثوم وكوب ماي مغلي وحبة ماجي وملعقتين صلصة وخليهاتغلي عالنار لما تثقل معك وهذي النتيجه
وآخر شي تجهزين الحمسة للتزيين وهي عبارة عن 2 بصل مع ثوم مفروم وملعقة خل وبهارات حسب الرغبة وراس فلفل أخضر ونص كوب كزبرة خضرا مفرومه والنتيجه؛
واخر شي تكبين الرز عالخبز في اللصحن ويزين بالبصل وبألف عافية ع قلوبكم
ه
وبالهنا والشفا مقدما