قوارب الكوسه بالباشاميل لذيذه

السلام عليكم ورحمة الله وبركاته
كيفكم ياحلوات
اليوم جبت لكم طبق روعه ممكن تاكلينه مع خبز او رز ابيض
قوارب الكوسه بالباشاميل
المقادير:
حبات كوسه محفوره وتقطعينها بالنص قطع طولي
لحم مفروم طازج او دجاج مقطع قطع صغيره
جزر مبشور
فلفل رومي مقطع بالطول قطع رفيعه
مكعب ماجي
بصل
بهارات مشكله
مازوريللا
الباشاميل كل وحده بطريقتها اللي مرتاحه معها
انا مقاديري :
4ملاعق طحين
4حليب
مكعب ماجي
ملعقتين جبنه سايله او اي نوع جبنه
فلفل اسود
كوب ونص كبيرمويه او اكثر شوي اذا تبغيها اخف
تحركين الطحين ب4ملاعق زيت وتحطين باقي المقادير عليه وحركيه بسرعه
واذا تكتل سويه بالخلاط ورجعيه على النار
الطريقه:
تكشنين البصل بشوية زيت واذا استوى تحطين عليه اللحم او الدجاج والزر والفلفلوالماجي والبهار
وتغطينه وتخلينه على نار هاديه لين يستوي
بعدين تقلين الكوسه المحفوره والمقطعه قوارب لين تشقر وتنشفينها من الزيت وتصفينها بالصينيه
وتحشينها بخلطة اللحم وترشين عليها مازوريللا وتصبين فوقها الباشاميل
وتولعين الفرن من تحت وفوق لين تتحمر
وبالهناء والعافيه
انا سويتها اليوم والله مابقى منها ماشاء الله ولاشي
سامحوني على التصوير بس والله فترة الظهر اكون محتاسه بالمره يالله ارمش بين بناتي والطبخ