كباب حركات

هذه طريقتي بالكباب نكهته روعه جربوه وان شاء الله يعجبكم المقادير:
لحم مفروم
بصل
ثوم
البهارات
ملح حسب الرغبة + فلفل اسود+ هيل ملعقة صغيره + قرنفل مطحون ذرة فقط لان لو كثر راح يطعم نكهته قويه+زنجبيل طازج مبشور ملعقتين صغيره
فلفل أحمر مطحون حسب الرغبة
لبن زبادي ملعقة أكل
زيت ملعقتين
كزبرة وبقدونس مفرومه كميه مناسبه
اسياخ خشب او الموجود عندك اذا خشب انقعيها بالماء عشان ماتنحرق
فلفل رومي + بصل + طماطم مقطع مكعبات
ومقادير البصل الشرائح اللي ينحط مع المشوي
بصل+ ليمونه+ نصف ملعقة سكر + خل ملعقه + سماق
الطريقه:
تخلطين المقادير مع بعض وتسوينها على شكل بيضاوي يعني السيخ الواحد ينحط فيه قطعتين
تقطعين الفلفل الرومي والبصل والطماطم مكعبات كبيره وتحطينها بالسيخ وتحطين الكباب
وترجعين تحطين البصل والفلفل والطماطم يعني فاصل للكباب
وتحطيها في الفرن او اذا بتشوينها على الفحم
تجي للبصل تقطعيه شرائح رفيعه وتحطين باقي المقادير عليها وتفركينها حتى يصير البصل طري
وتحطيه بطبق التقديم وترشي عليه السماق والبقدونس المفروم وترصي اسياخ الكباب عليه
وتقدميه مع الرز الأبيض وسلطة الطحينة
وبالعافية