فن المندي

الأرز المندي
الخطوة الاولى::
جيبي الدجاجة وأقسميها نصين..نظفيها وغسليها........
شرحي الدجاجة تشريح طولي بطرف السكينه يعني اعملي خطوط رفيعة برأس السكين مجرد تشريح خفيف..وهذي الخطوه مهمة جدا
بهري الدجاج بالبهارات التالية(كمون،فلفل اسود,خولنجان,ملح,كزبرة ناشفة,كركم,قرفة,زنجبيل)بعد ماتخلطي جميع البهارات مع بعض افركي الدجاج بيها عدل يعني بإخلاص من جميع الجهات وداخل الشقوق اللي عملتيها بالسكين ترى هذي الخطوه هي اللي تعطي الدجاج الطعم المميز فلازم تكثري البهارات
ادهني صينية شوي زيت و رصي انصاف الدجاج فيها ثم اضيفي ما ساخن جدا الى منتصف الدجاج يعني لايغمر الدجاج ويغطيه
الخطوة الرئيسية:حطي في نفس الصينية فنجان فيه زيت وتكوني من اول مولعة قطعة فحم صغيرة ولمن تولع عدل حطيها في الفنجان وبسرعة البرق غطي الصينيه بالقصدير جيدا ولأن الصينية حتكون حارة يفضل لبس القفازات
دخلي الصينية الفرن لمدةساعة وبعدين شيلي القصدير وصفي باقي المرق اللي اتبقى في الصينيةوحطيه في قدر صغير <<<<<<<<<<واحتفظي فيه
حمري الدجاج من اعلى ثم طفي عليه
الخطوة الثانية:الرز وتكوني منقعته من قبل نص ساعة في ماء حار
حطي شوي زيت في القدر +حبتين مستكة+حبتين هيل+قرفة
حطي الرز وصبي عليه ماء حار لين مايتغطى الرز يعني لاتكثري الماء
اضيفي الملح وانتظري لين يتشرب الرز الماء
اضيفي المرق اللي اخذتيه من الدجاج
انتظري لين يستوي الرز طفي عليه واتركيه ربع ساعه مغطى
اغرفي الرز في صحن التقديم ورصي فوقه انصاف الدجاج ورشي عليه زبيب ولوز مقلي
وبالعافية