كبة باللبن

1. التحضير:


2. اول شي طلعو الكبة من الفريزر قبل ما تبلشو بالطبخة بشي نصف ساعة فقط.

مراحب يا حلوات اليوم جايبتلكن اكلة لبنانية كتير طيبة اسمها كبة باللبن او كبة لبنية يلله نبلش؟؟
ال مقادير تكفي ل 4اشخاص:
1- لبن بقر نوع الصافي كامل الدسم 2ليتر-2كيلو .ملاحظة:اذا توفر لبن الماعز بيكون ممتاز كتير منيح لانه اطيب
2- كيلو كبة (كبة جاهزة من السوبرماركت-كبة الشامي)
3- ثوم فصوص عدد 3
4- ضمة كزبرة خضراء
5- نصف كوب رز سنوايت او رز مصري
6- ملعقتين كبار نشاء
7- بيضة واحدة
صورة المقادير

التحضير:

اول شي طلعو الكبة من الفريزر قبل ما تبلشو بالطبخة بشي نصف ساعة فقط.

• اغسلي الارز واتركيه جانبا
• خذي نصف كوب من اللبن البارد وذوبي فيه النشاء مع البيضة ,اخفقي حتى ذوبان النشاء
• ضعي اللبن المتبقي على النار واضيفي له النشاء المذوب باللبن والبيض(يجب ان تكون طنجرة تيفال كي لا يلتصق اللبن)
• ضيفي الارز فوق اللبن
• لا تنسي عزيزتي تحريك اللبن من وقت للاخر كي لا يلتصق وعلى نار متوسطة
• بعد غلي اللبن تاكدي ان حبة الارز نضجت,ثم ضعي حبات الكبة (بدون قلي) خففي النار واتركي المزيج يغلي حوالي الثلث ساعة اي20دقيقة.
• الان عزيزتي طبعا غسلتي الكزبرة وفرمتيها وهرستي الثوم,اقلي الكزبرة والثوم بقليل من زيت الذرة
• ضيفي الكزبرة والثوم فوق طنجرة اللبن واتركيها تغلي مع باقي محتويات الطنجرة (وكله على نار هادئة)

بعد انتهاء ال 20 دقيقة اطفي النار عزيزتي وهلق وقت صب الاكل بالجاط
كوني محضرة حوالي 4 جاطات زجاج
خذي ملعقة كبيرة للسكب وابدئي بحمل حبات الكبة من اللبن وضعي الحبات بالجاطات حسب رغبتك(بتحبي تحطي 4 حبات او 5 زي ما بتحبي)
بعد ما قسمتي الكبة على الجاطات,هلق ضيفي فوقن اللبن المطبوخ
وصار فيني قلك صحتين وهنا,هالاكلة ممكن تاكليها باردة
بالهنا والشفا يا رب يعجبكن الاكل اللبناني
هيدي صورة الكبة الجاهزة من السوبرماركت
في كبة لحمة وفي كبة دجاج زي ما بتحبو الاثنين طيبين