كعكة قوس المطر

سلام
اليوم لاطشتلكم كيكة سهلة وحلوة بنفس الوقت
خبري بكن يالعجازات تبون الشي بارد مبرَّد
اسم كيكتنا :
R a i n B o w
على الله تعجبكم
المقادير
الوان طعام 4 الوان( احمر ازرق اخضر اصفر )
واستخرجي لك لون بنفسجي جديد بخلط الازرق مع الاحمر
كيكة بيتي كروكر خليط جاهز ( ابيض )
الطريقة
تجيبين لك خليط ابيض كيك بيتي كروكر و تصلحينه
مثل الكرتون ما يقول بعدين
تجيبين لك صينيه تيفال و تدهنينها و تخلينها على جنب
تاخذين الخليط المعد سابقا و تقسمينه بحسب عدد الالوان
الي عندك في صحون انا كل لون صار تقريبا مغرفتين
كبار في كل صحن من الخليط
بعدين تحطين اللون حسب ما يعجبك اللون مركز فلازم
تنتبهين ما تكثرين منه
حطي نقطه نقطه الين يعجبك لونه
بعدين
صبّي جزء ( تقريبا نص ) الخليط الملون الاول في نص
الصينيه ثم جيبي نص اللون الثاني وصبيه في نص الاول
و الي بعده في نص الثاني
و هكذا الين يخلصون الالوان ثم ارجعي كرري بباقي
الالوان الي عندك
لازم لازم يصير بالنص عشان ينتشر بشكل صحيح
ثم بعدين لخلصتي كل الالوان بتطلع زي كذا :
دخليها الفرن و خلصنا
تطلع لك زي :