كفتة البطاطس

والله انا مادري ؟؟؟؟

اهلين حبيبتي
عندي لك طريقة كفته بالتونه تاخذ العقل مره طعمه ودايما اسويها
المقادير والطريقة..
بطاطس مسلوق
تونه
كزبره مفرومه
بقدونس مفروم كميه قليله
نعناع مفروم كميه قليله
فلفل اسود - كمون - ملح
جبنه كرافت مبشوره ( الزرقه ) ( اختياري)
بيضه وحده
للتغليف..
بيض - بقسماط
اهرسي البطاطس وحطي عليها كل المقادير واعجنيهم مع بعض
بعدين شكليها بالشكل اللي يعجبك انا اسوي كور واصابع ودائريه مسطحه
بعدين غمسيها في البيض وبعدو في البقسماط واقليها
ومن ناحيه الفرزنه ايوه حبيبتي تقدري تفرزينيها ومايصير فيها اي شي كل ماتجي تطلعي من الفريزر وتقلي كأنها فريش ودوبك مسويتها
وطريقة الفرزنه..
بعد ماتغلفيها بالبيض والبقسماط حطيها في صحن وحطيها في الفريزر الين تجمد مضبوط بعدين طلعيها وحطيها في علبه تبروي او في كيس وسكريه زين واحتفظي فيها في الفريزر زي ماتحبي
اتمنى اكون افدتك وان شاءالله تعجبك الكفته
وعلى فكره اوقات اتفنن واحط مع الكفته بهار الكاري شويه
يعني بصراحه كل مره احب اغير في الطعم اوقات احط الجبنه واوقات لا واوقات احط الكاري واوقات لا واوقات واوقات ما احطهم الاثنين واكتفي بالمقادير اللي فوق
ونسيت اقولك قبل لا تقليها خليها في الفريزر شويه تجمد
بعدين حطيها في نار حاميه لاتخليها تطول في الزيت اللهم تاخذ اللون الذهبي وطلعيها على طول
وبالهنا والعافيه على قلبك

شكرا اختي وان شاء الله بجرب طريقتك