كيف اسوي الدجاج المشوي

هلا ليونه
تونى شاريه كتاب اكلات للرجيم
وفيه هالوصفه وتونى مسويتها
لذيذه
دجاج بالليمون والثوم
دجاجه كامله .. انا سويتها صدور
علبه زبادى قليله دسم
1 م ك ثوم مهروس
ثلث كوب عصير ليمون
1 م ك بهارات
2 م ص زعتر جاف ومطحون ...ملح وفلفل
الطريقه
تنظفين الدجاجه وتقطع اربع قطع ويزال الجلد (باختصار خوذي الصدور الجاهزه خ)
يخلط الزبادى والثوم والليمون والبهارات والملح والفلفل في وعاء
وتدهن قطع الدجاج بالمزيج ويوضع في صينيه للفرن ويصب عليها الباقي من مزيج الزبادى
ونضع نص كوب ماء بالصينيه وتغطى بقصدير وتدخل الفرن
لمده 40 د بعدها تشيلين القصدير ويقلب على الجهه الاخرى ويرش الزعتر على الوجه ويترك لمده 20 دقيقه ليصبح الوجه ذهبي
(انا استغنيت عن الزعتر )
طلع الطبق لذيذ
هالكميه لشخصين
وبها 299 سعره حراريه لكل شخص (يعنى نص دجاجه او 2 صدر )
اتمنى تجربينها ومتأكده بتعجبك

بالنسبه للماجى احاول اتفاده دائما
لانه مو صحى قبل كل شئ

ياحياتي يانبوضه تسلمي
بس بسالك
الثوم طعمه يبان ؟ لاني مره مااحبه واذا بسويه بقطعه بعد بنفسي ههه ماعمري جربت اقطعه واهرسه ياي <<<< مدلعه ماعليه
والماجي انا بعد ماافضلها بس امي ازعجتني فيها ها

ههه يادلوعه تعودي
الثوم مايبين طعمه
وبعلمك طريقه بدون ماتمسكينه
قشري الثوم بدون ماتمسكينه كيف؟؟؟
<<< تسمع بالتشويق ههه
حطى الثوم على قطاعه الخضار وجيبي السكين بالعرض واضغطى على الثومه بقوه
راح ينفصل القشر بسهوله
حطي الثوم بمدق الثوم وحطي عليه شويه ملح
ودقيه بالمدق بيصير معاك مهروس مره
وبس بدون ماتلمسينه << شفتى الخبره كيف ههه
وعموما الثوم حلو باى خلطه للشوى ومع الطبخ يضيع الطعم
جربيها وعلمينى كيف الطعم

اوكي
تسلمين
والله انك خبره بسم الله عليك
فديتك بتنحل عقدة الثوم اجل عندي
وامي تفرح وتغطرف صدقيني ههه عقدتها معي