كيك بنكهة الليمون روعه وطعمه جناان

هلا فراشات
كيفكم ان شاء الله تمام
ولاني احب الليمون فكرت اليوم اسوي كيكه بطعم الليمون وبعد ما سويت سيرش في قوقل
اعجبتني طريقه لكيك الليمون اللي انا متاكده انه رح يعجبكم
المقادير
كوب ماء مذاب فيه 3ملاعق حليب مجفف وملعقه خل تخلط في الخلاط وتترك جانباا
3اكواب طحين مع ملعقه بيكنج باودر وملعقه صغيره مره ملح تنخل مع بعض مرتين
كوب من الزبده الطريه بمقدار اصبعين ونصف زبده اي مامجموعه 250جرام
كوب ونصف من السكر مطحون لكن موناعم مرره
بشر ليمونتين وعصير ليمونه واحده
4بيضات
الطريقه
تخفق الزبده مع السكر حتى تنسجم مع بعضها البعض وتتجانس
ثم نضيف البيض بيضه ونخفق ونكرر بيضه ونخلط حتى تنتهي كميه البيض
ثم نضيف قليل من عصير الليمون ونخلط ومن ثم قليل من الحليب ونخلط وبشر الليمون ومن ثم حليب وليمون
وبعد ما يتجانس الخليط
نبدا في اضافه الطحين على دفعات ونخلط واذا انتهت كمبه الدقيق نوقف الخلط
ونصب الخليط في صينيه اما مفتوحه من الوسط او صينيه الباوند كيك
او في قوالب المافن كيك
وتدخل للفرن مده ساعه كامله على حراره 160
ونقلبها من الصينيه في صحن وتترك لتبرد وتقدم مع الشاي
طعمها جنان ورائعه
وممكن تضيفون للخليط فواكه مجففه او زبيب حسب الرغب ه
للتزيين:
نص كوب سكر بودرة
1 ملعقة طعام واحدة حليب سائل
2 ملعقة صغيرة عصير ليمون
وبالعافيه عليكم
وانا متاكده انها رح تعجبكم
اهم شيئ
القالب يكون مدهون بالزبده ومرشوش عليه طحين عشان ماتلزق الكيكه
تكونين سخنتي الفرن اول ما بدات بتجميع المقادير على حراره 160
ماتخفقين كثير بعد اضافه الدقيق اذا انتهت كميه الطحين توقفين خلط اهم شيئ يكون الخليط متجانس
تصبين الخليط في الصينيه من غير لاتحركيه بملعقه عشان ما يطلع الهواء اللي في الخليط
واخيرا لاتفتحين الفرن الا بعد مرور ساعه كامله
يكون رف التسخين في الفرن في المتوسط مو اسفل
وحتكون مثل هذي الصوره
الصوره منقوله من العضوه