لا لترجمة الأغاني الأجنبية

السلام عليكم ورحمة الله وبركاته
أنا ماني مطوعة ولا ملتزمه أنا إنسانه عاديه جداً ,
بس انقهر وقت ماأشوف البنات يحطوا لنا طلب ترجمة أغنية انجليزية !!!!!!!!!!!!!!!
وبعضهم يحلفوا علينا.... بالله ساعدوني في ترجمتها ؟؟؟؟؟؟؟؟؟؟؟
عزيزتي انتي عارفه إنها أغنية ومن فين!!
من العالم الغربي عالم دخيل علينا ..
كل عاداتهم وثقافاتهم مختلفة تماماً عن مجتمعاتنا العربية المسلمة
يعني مستحيل يكون فيها أدب وحكمة ومواعظ
كلها عن علاقاتهم المحرمة يعني كلمات الأغنية كلها تتمركز على هذا النمط
وعادةً الكلمات تكون خارجة عن آدابنا العامة ويندى لها الجبين !!!
البعض يقول عشان نعرف ومانكون على جهل
أو عشان وحده سألتني
أو عشان وحده ترددها ونبغى نعرف ترجمتها
أخواتي لاتسألوا عن أشياء (إن تبدو لكم تسؤكم)
تبغوا تتعلموا اللغة صح!!!
مو بهذي الطريقة ... الأغاني عادةً كلماتها عامية والقاعدات فيها مكسورة
أي لغة نتعلمها من لغة الشارع !! آسفة على الكلمة بس
هذا الواقع ..
جيبوا لنا مقالات مفيدة في أي تخصص
كلام مفيد معلومات جديدة في أي مجال من مجالات المعرفة
أي شي غير أغانيهم الهابطة..
عشان كلنا نفيد ونستفيد منها ..
وأتمنى محد يزعل مني ..
الله يوفقنا ويوفقكم لكل خير