لقيمات جنان

كأس و ثلث لبن ( بدرجة حرارة الغرفه
ذرة ملح
ذرة بيجينج بودر
ملعقة طعام ممسوحه خميره ملاحضه ( مذابه في مقدار نص بياله ماء دافي )
الطريقه
يوضع الدقيق ثم الملح و البيجينج بودر ثم الخميره ثم اللبن ثم تعجن باليد من فوق لتحت بشكل سريع و عشان تسهل
عليكم نميل الزبديه شوي على جنب و نعجن من فوق لتحت بسرعه الى اذا رفعنها لفوق تنزل بشكل متقطع تصير شوي ثقيله وبعدين نحط عليها بلاستيك رول وبعدين الغطاء و بعدين نغطيها بفوطه وبعدين ندخلها في الفرن او
الماكرويف ( بدون تشغيل ) ونخليها تتخمر ساعتين .... بعدين نسخن الزيت .. ونجيب ( صحن صغير نصفه ماء وملعقة زيت صغيره نحركه شوي ونخليه هو و الملعقه على جنب(هذا عشان التلقيم )وبعدين صحن كبير عليه مناديل جرب وحده اذا الزيت حامي اوكيه نقصر عليه و نبدء نلقم واذا امتلى الزيت نبدء نحرك بشرط ان اللقيمات كلها موجوده
على سطح الزيت والنار تكون هاديه شوي( بس مو حقت جريش) ونحرك و نحرك نبتل الى ماتعطيكم اللون اللي تبونه
وبعدين تشيلونها و تضعونها على الصحن وبعدين نحطها بصحن التقديم و عليها عسل الشفاء او شيره او اللي تبون
بالنسبه لطريقة التلقيم نأخذ بالكف مقدار قليل من العجينه ( ملعقة اكل طعام) ونضم الكف قليلا ثم نضغط اصبع
الخنصر( اول اصبع اصغر واحد)ثم البنصر(ثاني اصبع)ثم الشاهد(ثالث واحد) ثم السبابه (رابع واحد حق التشهد )ثمتطلع العجينه مع الفتحه نأخذ بالملعقه و على طول بالزيت و نكرر العمليه ملاحضه (الملعقه المستخدمه اللي قلت
عنها فوق اذا جينا نأخذ من العجينه ما نأخذ و في الملعقه مويه بس نغمسها فقط ) يكون التلقيم بشكل سريع وبس