للي محتاجة اكل بيت نظيف بس في جدة شي ولا احلى ويوصلك لحدك

يابنات والله اتعامل مع وحدة تسوي اكل نظيف وباحتراف اروع شي عندها بصراحة ماقد جربت زيه ورق العنب عندها والا البريك ام وكله كوم والله والبسبوسة بالقشطة كوم ثاني جد جد تستاهل تسويها بقشطة بلدي او من غير على حسب الطلب بس انا دايما اطلبها بالقشطة خطييرة احنا صرنا حتى عصريتنا من عندها حتى خالاتي يتعاملوا معاها لمن يكون عندهم مناسبة او في رمضان يآخذون فطاير السبانخ والبيتزا والبريك والسمبوسة وكل شي مفرز البرياني دجاج او لحم نطلبه لمن يكون عندنا مناسبة والكل يمدحه ويسأل مين مسويه طبعا يحسبوني انا اللي مسويته بس انا اعترف بصراحة لأني ابغى الآادمية تسترزق وتستاهل بصراحة تعامل وادب واخلاق وعندها كمان اصابع الشاورما لذيذة مرة
على فكرة انصحكم بطريقة دايما اسويها لمن تطلبي البيتزا اطلبي كمية مجمدة واي وقت او قبل لا يجوا ضيوفك سخنيه في الفرن تطلع طرية والله كأنها دوبك مسويتها روعة انا كذا اسوي دايما آخذ منها كمية ولمن يجيني احد اطلبها قبلها بيوم منها واحطها في الفريزر وفي وقت الضيافة بس احطها في الفرن ماتآخذ خمس دقايق وهي طرية وساخنة ولا اروع وحشوتها للبيتزا زيتون اخضر واسود وفلفل رومي وصوص وطبعا جبنة
بس جد جد اللي يحبون الورق العنب لا يفوتكم ورق عنبها
تآخذ على التوصيل 20 وتوصل للمكان اللي تبغيه طبعا داخل جدة وشي ولا احلى والله جربوها لاتفوتكم
مدري اقدر احط الرقم على العام يسمحون المشرفات او لا
عموما اللي محتاجه الرقم تراسلني خاص