لمحبي الفلفل والطراشي

السلام عليكم ورحمة الله وبركاته..... من يومين رحنا انا وامي وخواتي عند جارتنا عشان سابع بنتها المهم يوم جاء العشا حطوا مع الرز صحن كان فيه شي ماعرفنا وشو والصحن الثاني كان في جزر ومعاه خضروات ومقطعينها صغار صغار بس شكلها ماكانت سلطة المهم بدينا ناكل وخذيت من الصحون هاذي وذقتها ومدري انا ذقت ولا ماذقت طلعت صحون طراشي كان طعمها حامض على مالح ويجنن المهم طحنا فيها انا وخواتي وباقي الحريم. عاد اختي سألتها من وين شريتي الطراشي هاذي قالت أنا مسويتها... المهم قلنا مشاء الله. ويوم جينا بنروح قلت لأمي أساليها اذا تقدر تسويلنا لو حتى نعطيها حق تعبها. سألتها امي وقالت أنها تقدر وانها متعودة توصل لين برى الرياض .المهم يوم رحنا البيت خواتي قالوا حتلى الفلفل حقها غريب حار مره وحامض .هي فعلا كانت حاطه نوعين من الفلفل بس انا ماذقتها لاني مااحب الفلفل . عاد امي تعلمنا تقول الفلفل حقها تصلحه على الطريقه الهنديه وان البهارات المحطوطه فيه هو والطراشي يجيبها لها ولدها من مصر.وانه في نوع تسويه بالحمر يعني بالتمر الهندي الحامض إن كانكم تعرفونه وعشان امي دايم تروحلها في العزايم تقول دايم تسوي اشكال والوان من الطراشي والفلفل .عاد امس جات طلبيتي جابتلنا معه شوي جريش وش ذاك الجريش عاد انتم تخيلوا ذاك الطرشي مع ذاك الجريش والببسي البارد... بس ترى الببسي من البقالة المهم لاتفوتونها اسمها ام عماد إذا بغيتو تجربون ارسلولي رساله على الخاص ادلكم عليها........
أرجوا التثبيت .... التثبيت .... التثبيت