مكرونتي اللي مدري ايش اسمها بالصور

بسم الله الرحمن الرحيم..
كيفكم جميعا؟
إن شالله الجميع بخير وصحة..
من كم يوم سويت مكرونه..صراحه ماعرفت لها طريقه..
فقمت أحوس من على كيفي
طبعا هي عجبت الأهل..سويت منها صينيتين..
وحده كلوها بالعشاء..والثانيه زادت وحطيتها بالثلاجه..
ويوم جا اليوم الثاني تضاربوا عليها وتركوا الغداء^^
احكموا علي من خلال الصور..انفع اصير طباخه ولا لا^^
أنا أحب أطبخ..لكن عيبي مااتذكر بعدين المقادير..لازم ورقه وراي وراي^^
المهم اترككم مع مكرونتي ^^..
في البداية:
مكرونه هذي شكلها^^..وكريمة خفق..جبن موزريلا..لحم مفروم طازج..صلصلة مكرونه ايطاليه شاريتها من زمان وقلت اجربها..
وهنا بعد ماسلقت المكرونه..وحشيتها باللحم المفروم..معليش ماصورت المكرونه واللحم وهم يطبخون..لأني وقتها تلقيت اتصال من وحده من البنات أيام الاختبارات وتقولي عن النتايج الزفت اللي ظلمتنا فيها الدكتوره:(..
المهم..
هنا بعد ماحشيت اللحم في الكرونه وقعدت اسوي حركه بالصلصه عليها<<أوخص يالحركه
بعدين..كريمه الخفق وملعقتين جبن سايله..خلطهم وشخبطت على المكرونه ^^
وهنا..الجبن الموزريلا المبشور..كنت ارش وأتخيل الصينيه قريه وجاها مطر غزير
وهنا دخلتها الفرن..وحمرتها..ومابغيت احمر اكثر عشان ماتصير سودا..واتفشل عند اهلي
من زاوية أخرى^^
وهنا بعد ماغرفوا أهلي منها..وتعشوا وخلصوا..بس أنا ماكنت معاهم تدرون ليش؟؟
كنت بالمطبخ أصور هالصينيه واشخط بالكاتشب..اهلي تعشوا وخلصوا وأنا أشخط وامسح..
حللت كتشبات المطاعم اللي عندنا..
وأخيرا..
أنفع أصير طباخه تمشي الحآل..ولاخربوطه
قولوا رآيكم