من إنتي

ببدأ أول وحده بسم الله :
1- ( كم عمرك ) ؟!
25 سنه
2- ( مطلقه أم أرمله أم متأخره عن الزوآج ) ؟
متأخره عن الزواج
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
إيه ،،
وتمت الشوفه الشرعيه بعد ..
لكن ماحصل نصيب والحمد الله على كل حال
وفي شهر 8 بكمل سنه من الشوفه
بالضبط قبل رمضان بسبوعين تقريبا ..
5- ( كلمة تودين قولها ) ؟!
أسأل الله العظيم ان يعجل برزقي ورزق خواتي وبنات المنتدى وكل بنات العالمين
وماتطلع السنه الا واحنا في بيوت ازواجنا
دعواتكم يابنات ان الله يبشرني وتتم خطبتي وملكتي في شهر 8 ياحي ياقيووم
عاد تصدقوون احس زواجي بشهر 12 مدري ليه ...
اله كريم

1- ( كم عمرك ) ؟!
23 سنه
2- ( مطلقه أم أرمله أم متأخره عن الزوآج ) ؟
متأخره عن الزواج
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
مو رسمي كله كلام وتلميحات
5- ( كلمة تودين قولها ) ؟ا
قال تعالى(وفي السماء رزقكم وماتوعدون)
أقرؤها بخشوع وربي يزيد أملكم بالله
وربي اليوم كنت ضايقه فيني الدنيا ومتشائمه
وسبحان الله مريت من الصاله الا واسمع هاذي الأيه
وربي كأني اول مره اسمعها
نصيحه خلي حياتك كلها تفاؤل (علمت ان رزقي في السماء ولن يأخذه غيري
فأطمأن قلبي)
ربنا لاتجعل الدنيا أكبر همنا ولا مبلغ علمنا ولا الى النار مصيرنا

1- ( كم عمرك ) ؟!
عمري 22و10شهور..
2- ( مطلقه أم أرمله أم متأخره عن الزوآج ) ؟
متأخره عن الزواج.
3- خآص للمطلقآت و الأرامل ( هل لديك أطفال ) ، ( كم عددهم ) ؟
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
اي تتم خطبه كلام فقط
بس مايصير شوفه ولا شي.
5- ( كلمة تودين قولها ) ؟!
والله الكلام كثير بس ماباليد
حيله نصييب اذ كتبه ربي بيجي
واذ ماكتبه بيعوضنا بجنات
النعيم ان شاء الله
يسلمو خيتو
موضوع روعه.
يارب ماتجي السنه الجايه
الا وانتوا ببيت رجالكم يارب

1- ( كم عمرك ) ؟!
21 وكم شهر ماعرف بالضبط
2- ( مطلقه أم أرمله أم متأخره عن الزوآج ) ؟
الحمد لله لامطلقه ولا ارمله ومااعتبر نفسي متاخره عن الزواج
3- خآص للمطلقآت و الأرامل ( هل لديك أطفال ) ، ( كم عددهم ) ؟
......
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
<بتعتبر هالسؤال لها
ابدا ولا مره للاسف مجرد تلميحات من بعد الله المستعان
5- ( كلمة تودين قولها ) ؟!
ربي يرزقني الي ابيه ويكون مثل ماابي من اخلاقه وطبعه قوولوا امين
وربي يرزقنا هالاجازه ومانطلع منها الا مملكات او مخطوبات بقدرته الحي القيوم
وقولوا امين ياصبايا

- ( كم عمرك ) ؟!
31 سنه
2- ( مطلقه أم أرمله أم متأخره عن الزوآج ) ؟
متأخرة عن الزواج
3- خآص للمطلقآت و الأرامل ( هل لديك أطفال ) ، ( كم عددهم ) ؟
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
نعم اكثر من ثلاث اواربع مرات
الاول كان من قرايبنا ويوجد بين اهلنا مشاكل وماتم الموضوع
والباقين لايتم الموضوع ويتوقف في بدايته
5- ( كلمة تودين قولها ) ؟!
ثقتي بالله كبيره
والله سبحانه وتعالى يبتلي عبده المؤمن
اللهم اني اسئلك زوجا غنيا تقيا نقيا واجعله قرة عينا لي وارزقنا بالذرية الصالحه من اولاد وبنات عاجلا غير آجل....
.
.

1- ( كم عمرك ) ؟!
27 سنة وثلاث شهور
2- ( مطلقه أم أرمله أم متأخره عن الزوآج ) ؟
متأخره عن الزواج
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
ايه وكانت الخطبه 5 شهور وبعدها ملكت وكانت الملكه 7 شهور هذا وعمري 22 سنه
وانا طلبت الانفصال لعدم التوافق وبعدها مانخطبت يمكن كلام بس تتلاشى وكان شي لم يكن الحمد لله
5- ( كلمة تودين قولها ) ؟!
علمت ان رزقي بيد الله فرتاح قلبي ماظن فيه شي يريحك اكثر من سماع هذا الشي وياحلوات لما يتاخر النصيب وتصبرين حطي مليون خط تحت تصبرين ويكون احلى نصيب والكل يتمنا يكون مثلك حتى اللى اول ينظرون لك انك متاخر عن الزواج بيحسدونك على حظك خلوو ايمانكم واملكم بالله كبير نعم الموالى ونعم النصير والله انكم مثل اخواتي واكثر وسافرت مكه قبل فتره وككان لكم نصيب من دعائي كل دعوه ادعيها لنفسي ادعيها لكم يارب يفرجها علينا في القريب العاجل
"اللهم ارضى بقضائك وصبرني على قدرك " دعاء جميل ويصبرك الله من تقوليه واتمنى لكم التوفيق

1- ( كم عمرك ) ؟!
26و10 شهور يعني باقي شهرين وادخل 27
2- ( مطلقه أم أرمله أم متأخره عن الزوآج ) ؟
متاخره عن الزواج
3- خآص للمطلقآت و الأرامل ( هل لديك أطفال ) ، ( كم عددهم ) ؟
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
ايه انخطبت بس ابوي رفضه
وعقبه ماعاد تمت لي خطبه
5- ( كلمة تودين قولها ) ؟!
ايه يالدنيا
الله يجعل صبرنا كفاره لذنوبنا ومعاصينا
والله يقوينا ويصبرنا على كلام الناس الي يغث
والي الله كاتبه بيصير وكل تاخييره وفيها خيره ان شاء الله
والله يقول :(وعسى ان تحبوا شيئا وهو شر لكم )
يمكن شفقتنا على العرس مهوب لشي معين بس علشان محد يتكلم علينا
والواحد وده بالاستقرار وانه يضمن له بيت يحتويه
وعيال يهتم فيهم وينشغل بهم
بس عساه خيره تاخرنا ان شاء الله
والله يرزقنا وياكم بالصالح من خلقه عاجلا غير آآجل
يارب
شاكره لك قلبو على هالموضووع

- ( كم عمرك ) ؟!
33 سنه
2- ( مطلقه أم أرمله أم متأخره عن الزوآج ) ؟
متأخره عن الزوآج
3- خآص للمطلقآت و الأرامل ( هل لديك أطفال ) ، ( كم عددهم ) ؟
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
لم يتم شيء ولم يفكر فيه احد حتى مجرد كلام
5- ( كلمة تودين قولها ) ؟!
الأستغفار والله له سحر عظيم كل امور حياتي متسهله بعده الحمد الله و الصدقه و إن شاء الله يسر الله امري بالزوج الصالح
الله يرزق كل بنت الزوج الصالح و الستر في الدنيا و اآخره و حسن الخاتمه
و البعد عن المعاصي و النفس الضعيفه الأماره بالسواء
والله اعلم يمكن تأخير الزواج او عدمه خير ليه (( الحمد الله كما ينبغي لجلال و جهه و عظيم سلطانه ))
راضيه حتى لو وصل عمري 40 و نا مثل ما انا الحمد الله
بعض الأحيان اجلس مع نفسي و اقول والله اني في راحه خاصه لمن اشوف حال زميلاتي المزوجات و العذاب إلي هم فيه
الحمد الله و بعض الأحيان احين لكلمة ماما بس الحمد الله
الله يخلي عيال عيال اختي صرت جده و ام والله انهم مالين عليه حياتي الله يحفظهم ليه و لنفسهم من كل شر
بس برضه اجلس ادعي الله انه يرزقني بالزوج الصالح و الذريه الصالحه لي و كل بنات المسلمين

1- ( كم عمرك ) ؟!
26 وشوايات بدخل ب 27 الله المستعات ههه
2- ( مطلقه أم أرمله أم متأخره عن الزوآج ) ؟
متأخره ويارب كل شي خيره
3- خآص للمطلقآت و الأرامل ( هل لديك أطفال ) ، ( كم عددهم ) ؟
4-خاص للمتأخرات عن الزوآج ( هل سبق وتمت خطبتك ، ولم يتم الأمر ) ؟!
لا والله كله كلام ولد عمتي خطبني ومدري وين هج فيه ههه وعفته مرت سنه على الخطبه بس لحين ماعرس ولو رجع مابيه لاني امتشفت العيوب من بعيد سبحان الله ..وولد عمتي ثاني توه بس فيه ايضا عيوب وغير انه موراعي صلاه الله يصلحه يعني احنا بس اخر الحلول عشان نعقل عيالهم ههه
والباقي كلها خرابيط بدون شي رسمي
5- ( كلمة تودين قولها ) ؟!
يارب ترزقني انا وبنات المسلمين وتجعل مااصابنا تكفير وخير وعوض يارب ياكريم وتثبتنا يارب ياكريم