مين تعرف القرصان تدخل

القرصان اكله نجديه عباره عن رقاق ناشف او رطب تشترينه من المخبزوتطبخين لحمه وخضار وتسقين القرصان في موية المرقنقلت لك هالطريقهاولا/ نشتري القرصان من عجوز في السباله ((( تلقونها ثاني شارع ع اليمين )))ولازم تكون القرصان خفيفه وناشفه ثانيا/ الخضار لازم نجهزها وهي كوسه متوسطة الحجم (( نشتريها من شقراء)) ترى كوستهم زينه والقرع اهم شي في القرصان بس مانكثر منه (( وياحلو قرع اهل ضرماء ))وجزر وبيدجان كل الخضار تقطع قطع صغار ونتركها على جنبثالثا/ نجي للحمه تكون ربع من رجل تيس وش حليله توه مذبوح (( شرط تكون اللحمه هبره )) ونقطعها قطع صغار مثل الخضار رابعا/ نكون مقطعين كميه كبيره من البصل ونقسمه ثلان اثلاث ثلث للقرصان وثلثين للكشنه اللي بقولكم طريقتها بعدين نجيب القدر ونحط البصل ونحمسه زين لين يذبل ((نكشنه)) ونحط عليه اللحمه ونحمسها زين نبهرها بالبهارات والكمون والفلفل الاسود نكثر منه شوي وشويه ملح وعود قرفه وماجي اصفر مو كثير وماجي ابيض وعلبه صلصه وطماط معصور نتركهم على النار لين تنحمس زين وتسمون ذيك الريحه اللي تشق الراس والحين نحط الخضار اللي قطعناها صغار كبر اللحمه ونحمسها مع اللحم لين تاخذ الطعم ولين حسينا ان مويتهم ثقلت نزيدهم مويه لين تغطي الخضار وفوقهم شوي (( المويه بنحتاجها لبل القرصان ))ونخليهم لين تستوي طبختنا الحين في هالوقت نروح لثلثين البصل اللي تركناه تجيب قدير صغير ونحط فيه شوي سمن او زبده ونحط البصل عليه ونحمسه لين يقول امين ونحط عليه ملح ونكثر الفلفل الاسود والكمون ونحمسه لين يذبل وبعد ما استوت اللحمه والخضار والمويه انتبهوا لاتنشف (( نبي مرقه ))نجيب القرصان والقدر نزلوه من على الفرن والكشنه اللي سويناها وتعالوا معي ع الارض نجيب الحله او الحافظه اللي نبي نقدمها فيها نكسر القرصان كسر كبار ونحط طبقه مو كبيره ولا صغيره تكون وسط بحيث اننا لاصبينا المرقه ينبل آآخرهانحط الطبقه بعدين نصب المرقه معها شوي خضار ولحمه بعدين نحط ملعقة كشنه ونوزعها عليه ونحط طبقه ثانيه ونحط خضار وكشنه ونحط طبقه ثالثه ورابعه وخامسه لين نوصل اخر طبقه نحط الخضار كله والكشنه كلها ونحط ذاك الفلفل الاحمر فوقه اللي ريحته تشق راس الشبعان ونغطيه ونقدمه وناكله والف عافيه علي وعليكم

القرصان اكله نجديه
تسوين مرق عبارة عن
بصل تحمسينه مع قطع لحمة صغيره او دجاج
وتضيفين الطماطم لين ماتذبل والخضار
قرع
فصوليا خضراء
جزر
بطاطس
لوبيا سلقينها لحالها اول نص سلقه وبعدين تحطينها مع المرق
كوسا
كل الخضار تقطعينها صغار
وتضيفينها على البصل واللحم
وتضيفين مويه وصلصه طماطم
والبهارات كمون وفلفل اسود وكزبره ناشفه والملح
قرن فلفل احمر واخضر اضيفيه في النهايه عشان ما يصير المرف مفلفل
عود قرفه وليمون اسود
وممكن تضيفين ماجي
وخليه يستوي
كسري القرصان وحطيه في حافظة وصبي المرق فوق القرصان مو حار مو دافي لازم حار
وتشربين القرصان بالمرق والخضار وتكتمين الحافظه
وتكونين محضرة حميسة بصل
بصل وزبدة وزبيب وملح وليمون اسود مطحون
وترشينه فوق القرصان وتكتمينه وياسلام على الريحه

اعقل وحده الله يقلع ابليسك على الوصف اللي من جد يشق الراس خ
تسلم يدك خيتو جوعتيني باقي توصفين طريق قرع ضرماء عقب نزلة ديراب على اليمين ولا اليسار
يحلوك بس
ملاحظة القرع اذا اخذتيه من ضرما فيه عندهم دقيق بدون كيماوي عشان نعلمك طريقة المرقوق مره وحده ههه

علمتني كيف اقسى
ههه ربي يسعدك عاد انا لي اسبوعين مشتهيته ومافيني حيل اسويه الخضار خاست في الثلاجه وانا العجز ذابحني الله

اسأل الله العظيم رب العرش العظيم يوفقكن لما يحبه ويرضاه ويفتحها بوجيهكن

موفقه
اللهم صل على نبينا محمد