يابنات لاتفوتون الثلاث الساعات الذهبيه برمضان ادخلو

1. بس اجتهدو بالدعاء واتاملو بالاجابه حتى وان طالت

اسعد الله صباحكم حبيباتي بكل خير
ومبارك عليكم الشهر وربي يعيده علينا وعليكم اعوام واعوام واحنا باافضل واتم حال
حبيت اطرح هالموضوع لاني مابي الفايده لي انا بس لاوالله ابي لكم الفايده والخير بعد
قريت بقناة بدايه قبل كم يوم عن ثلاث ساعات ذهبيه برمضان ونبي نستغلها كلنا وان شاء الله ربي يتقبل فيها دعواتنا ويكتبنا من المقبولين عنده ياكريم
والله يجزاها الف خير اللي ارسلت المسج تقول انه فيه كان شاب يطلع ويروح ويرجع برمضان بس مايطوف الثلاث ساعات هذي ويحلف ويقول والله ماسالت ربي اي شي الا ربي اعطاني اياه يقول على قد المشاغل اللي تجيني الااني مااطوف الثلاث ساعات هذي وهي الساعه اللي قبل الفجر والساعه اللي ياذن فيها الفجر والساعه بعد الفجر لين الضحى ويقول اصلي الضحى وبهالثلاث ساعات اقرا قران وادعي ويقول سبحان الله مااطلب ربي شي الا ربي اعطاني اياه
وانا والله يابنات من شفت المسج ماحبيت الاستفاده لي لوحدي حبيت افيدكم كلكم واقوولكم استغلووها وباذن واحد احد رمضان هذا يكون فاتحه خير لي ولكم ولجميع بنات المسلمين

بس اجتهدو بالدعاء واتاملو بالاجابه حتى وان طالت

مو تقولون انا ادعي من سنه والا من سنتين والى الان ربي مااستجاب خلاص بصرف النظر عن الشي اللي كنت ادعيه لاا ابعدو هالوساويس عنكم ولاتنسون ربي يحب عبده الملح بالدعاء ، وتذكرو قوله جل جلاله { وإذا سَأَلَكَ عِبادي عَنِّي فَإَنِّي قَريبٌ أُجَيبُ دَعْوَةَ الدَّاعِ إِذا دَعانِ فَلْيَسْتَجيبوا لِي وَلْيُؤْمِنوا بِي لَعَلَّهُمْ يَرْشَدونَ }
وابيكم تتذكرون شي واحد انه نبينا موسى عليه السلام دعاء على فرعون وربي استجاب دعوته بعد اربعين عام تخيلو يابنات اربعين عام وهذا نبي كيف احنا بني البشر ندعي ربنا لمده معينه مثلا واذا مااستجاب نترك الدعاء ولاتنسون ان الدعاء عباده واحسنو الظن بالله وربي يحقق لي ولكم الشي اللي نتمناه
وبالنهايه مابي منكم غير دعوه بظهر الغيب انه ربي يحقق لي امنيتي وييسر لي امري عل دعوة وحده منكم تصيب ابواب السماء
والله يوفقني ويوفقكم لما يحبه ويرضاه
اختكم
يارب تساهيلك