يامواجع خففي عني شوي

ا لشخصيات
هيا : الام
حصه : معلمه ومتزوجه لديها 3 ابناء ولدين وبنت وزوجها حسين
ملاك :عمرها 18 سنه ثانويه عامه
أمل :عمرها 22 معقود قرانها على ابراهيم
ابراهيم :جراح عمره 34 سنه
ليلى : موظفه في بنك متزوجه من عبدالله موظف في شركه اتصالات
عبدالمجيد : شقيق حصه متزوج مها
محمد : الخال متزوج من نيفين من مصر
_____________________________________
عائله ابراهيم
ابراهيم : خطيب امل الجراح
علي :اخوه سكير ومتزوج من احلام
لمى : أخت ابراهيم
خالد : شقيق ابراهيم طالب جامعي
طارق : صديق ابراهيم وزوج بدريه
الجزء الاول
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
في قصر العائله
الساعه 11 الاربع
وحصه تنتقل بين الطاولات وتسلم على الحضور
_ حصه : ياهلا وألف مبروك وكلام المجاملات الي ماينتهي
وشي المناسبه ؟؟؟؟؟
اليوم ملكه اموله عمرها 22 سنه وتدرس في جامعه قسم ادب انجليزي
واموله ملكه جمال هالطول وهالعيون والجسم الممشوق والشعر الطويل الناعم (جمال رباني )
ماتقوللي عمليات وبوتوكس واكستنشن
أمل ملكتها على ال جراح ابراهيم الوسيم
وابراهيم مايقل وسامه عن امل هالجمال الايطالي والسمار والطول والعضلات
""""""""""""""
أمل في غرفه المكياج
فستان وردي فاتح مناسب لبشرتها البيضاء الصافيه
وفستانها فيه ورود ناعمه تصميم زهير مراد شخصيا كلفها 10 الاف ريال وتسريحتها ويفي وحاطه اكسسوارات
ألماس في شعرها .... طالع شكلها مره يجنن
مع مكياج مسويت لها حنان دشتي ..... وقبل ماتطلع حطت توله العود الي جابتها من عبد الصمد القرشي
بسبعه الاف.
طلعت من الغرفه بهدوء ولقت أختها بوجهها
- حصه أختها الكبيره وفيها شبه من الفنانه نجوى كرم
ولابسه فستان أحمر يجنن مناسب لشخصيتها القويه والوقوره
-قالت لامل الله شكلك مره روعه ياأحلى اموله
الله يعين إبراهيم على اللي بيشوفه
- ابتسمت امل بخجل وقالت يالبى قلبك تسلمين يالغلى
وين أمي؟
قالت قاعده هناك
- وسرحت امل وفكرت ياترى هل ابراهيم اختيار صائب وخاصه ان عمره 34 اكبر مني بكثير
لكن الاهل قالوا لها ان امه وخواته لما شافوك في عرس اقاربنا انهبلوا عليك وكانوا يدورون لولدهم الي راجع من أمريكا بعد مااخذ الدكتورا في الجراحه عروس المناسبه
وتذكرت أمل لما جت أمها وقامتتناظر فيها وتبتسم وكانت أمل تذاكر امتحان نهائي وقالت امل يمه تبين شيء قالت امها والله وكبرتي ياموله
وصاروا الناس يتكلمون عنك
قالت امل أنا مين الي يتكلم عني ؟؟؟؟
قالت تتذكرين عرس ابو فهد لما كنتي لابسه الفستان التركواز وكنتي ترقصين على أغنيه راشد وكانت ام علي تطالعك وكلها اعجابك وتذكر الله وتصلي على النبي
اثاريها كانت تدور عروس لولدها الجراح ابراهيم الدكتور
ابتسمت أمل بخجل وقالت خلاص يمه انا عندي امتحان ماودي اشغل نفسي
قالت ياحبيتي : انتي صرتي عروس وهذا الدكتور مايتعوض مال وشباب ومنصب
قالت امل الله يقدم الي فيه خير ...
____________________________
والحين كل شيء صار جد الملكه اليوم وهذا اختياري
ونزلت امل للصاله وقاموا الحريم يغطرفون ويسلمون على العروسه وهي مثل القمر وسط النجوم
وامها وخواتها حواليها
(حصه وملاك وليلى )
_____
وبعدين دخل العريس ابراهيم لما وقف قدام أمل وأخيرا صار الحلم حقيقه وقدامه أحلى عروسه
جمال وبراءه
×××××××××××××××××
وجت أم ابراهيم بالدبل والشبكه الالماس الي كلفته خمسين ألف
وخاتم الخطوبه وألماس سوليتر بعشرين ألف وقاامت تلف على الحاضرات وتعرض الشبكه
عليهم لانها كانت وكان فيه مدعوه ماكانت ابد سعيده بالحفل أو الشبكه لأنها كانت تشعر بالحزن الشديد ليش؟
لأن الحبيب اليوم كانت ملكته وكانت فاتشه وجهها وفي وسط ما إبراهيم يلبس الشبكه لعروسته
انتبه إبراهيم لها وللألم الي في وجهها
ونظره الحقد والكره والغيره لأمل وقال في نفسه : الماضي ماراح يتركني وتذكر اخر كلام لها
(انا أوريك ياابراهيم هالسعاده ماراح تدوم )
××××
وش تتوقعون بيصير ! ووش سر هالبنت الي تناظره !؟
تكفون ابي تفاعل عشان انزل باقي الاجزاء
وأوعدكم مارح تندمون ,,,,,,,,,,

وراه مافي ردود ولاقراء !!!!
والله لو اني حاطه لكم خلطة تبييض
ولا ليلة حمراء مع زوجي
ولايخوني مع الشغاله
كان اشوفكم مدهرين بالردود والاراء