ˆأحلى كشري وعلى الطريقه المصريه ˆ

يسعد صباحكم / مساكم ..
هذا اول موضوع ليا في قسم الطبخ .. بما اني حديثة عهد بالمطبخ .. ومادخلته الا بعد الزواج واللي كان من 6 شهور تقريبا ...
فأنا الله يسلمكم توني اكتشف اسرار هذا العالم وتوني اكتشف مواهبي في الطبخ
طبعا هذي اول مره اطبخ الكشري في حياتي
وقررت اصورها لكم ..
ان شاء الله تعجبكم وتشهيكم ..
واليكم الطريقه
اول شي ناخذ البصل المقطع ( جوانح ) ونقليه في كوب زيت
ونحمره لحد ماياخذ اللون البني .. بعدين نخرجه ونحطه على ورق النشاف .
في نفس الزيت نضيف حوالي 2 كوب ماء وملعقه كبيره كمون وتركه يغلي
ثم نضع عليه كوب عدس اسمر بعد تنقيته وغسله جيدا ..
نترك العدس يسوي نصف استواء وفي هذا الوقت واثناء عمل العدس نسلق المكرونه في ماء مضاف اليها ملعقه زيت + مكعب ماجي ..
عندما ينضج العدس نصف نضوج نضيف الارز والشعيريه ونقلب ونقوم بوضع الملح ونتذوق على حسب الرغبه
طريقة عمل الصلصة :
ناخذ 4 طماطم ونحطها في مويه زي ماهي ونخليها تغلي لمدة ربع ساعه ( للمعلومه انا زدت الكميه لاني كنت مسويه لنا ولأهل زوجي )
وبعدها نطلعها من القدر وننزع قشرها
وبعدين نحطها بالخلاط بنلاحظ انها صارت زي المويه ..
بعد كذا ناخذ 2 بصل متوسطه و4 فصوص ثوم ونفرمه فرم ناعم ..
نحط البصل مع الثوم في الزيت لحد مايتحول للون الذهبي
نضيف عصير الطماطم
ثم نضيف 2 ملعقه كبيره معجون طماطم وكمون وملعقتين خل ( هذا سر طعم الصلصه )
وهذا الطبق بعد التجهيز ..
وهذا لأول وحده ترد ..
يلا وروني تشجيعكم .. عشان اجيب الباقي ...