أشياء غريبة اشتريتيها من السوبر ماركت وماندمتي ارجو التثبيت

السلام عليكم
بصراحه حبيت احط هدا الموضوع واتمنى تثبتوه عشان يكون مرجع لنا كلنا
انا اشوف اشياء كتير بالسوبرماركت غريبه بس مااقدر اغامر واشتريها
يا تكون الشركه غريبه علي او الشي نفسه غريب
متلا صوص السمك واشياء كدا غريبه
وبعض الأشياء اكون محتاجتها متلا الشوكولاته الخام بس الاقي شركات كتير وماادري اي شركة احسن
وفي انواع كريمة خفق ماادري ايش الأفضل
شرايكم كل وحده اشترت حاجه غريبه يعني ماهي من الأشياء اللي نشتريها ومتعودين عليها
اغراض حلا او صوص للأكل او للحلا او انواع اجبان جديده او الأشياء المفرزة الجاهزه اي شي جديد علينا
حتى لو مانلاقيه الا بالسوبرماركتات الكبيرة
وياليت اسم الشركة والأفضل لو في صورة
اتمنى تتفاعلون معايا
واهم شي ابغى اعرفه الشكولاته الخام ايش افضل نوع ابغى نوع لزيز عندي طرق حلويات بس لازم اسيح شوكولاة وماابغى جالكسي حالي مره وكرهنا طعمه من كتر ما طفحنا فيه ههه
لأني شفت انواع كتيرة جهة الشوكولاتات الخام ..كبيرة وبعضها غامقه وبعضها فاتحه واخاف اشتري شي مو لزيز واخرب الدنيا
اللي ماعندها اضافه ياريت تدعيلي دعوه حلوه
وحأبدأ انا
اشتريت قبل كم يوم البيتزا الجاهزه اللي بس تحطينها بالفرن من السنبله
لزيزه مره وعجبتني وماندمت عليها بصراحه مره لزيزه
واشتريت دبس الرمان لأني دايما اسمع عنه ولا جربته
بس من كتر ما هو لزيز سرت احطه بكل شي ههه
لأاني احب الحوامض
اشتريت كمان خل البلسمك ولزيز مع السلطة