أطباق منووعه للأكولين فقط حياكم الله

بسم الله الرحمن الرحيم
السلام عليكم ورحمة الله وبركاته
منوورين موضوعي الحلو احم احم
<<< يا وااثق ههه
ماراح أطول عليكم نعطيكم قائمة اليوم
القائمه Menu
الفطور Breakfast
بيض بالنقانق
بيض أومليت
السلطات Salad
سلطة الخيار بالزبادي
سلطة الزيتون
سلطه منوعه بصوص الرانش
الأطباق الرئيسيه Main course
كبسة روبيان
مشاوي مع الرز الأبيض بموية الورد
سباجيتي باللحم المفروم والفاصوليا
الحلويات Desserts
ميلك شيك فراوله
حلا الطبقات من اختراعي
نبدأ بسم الله ..
بيض بالنقانق
:: المقادير ::
نقانق نقطعها حلقات
3 بيضات أو أكثر حسب كمية الأشخاص
ملح و فلفل أسود
:: الطريقه ::
نحمر النقانق مع شوي زيت بالمقلاه <<< متعوب على الكلمه ترى
نكسر البيض بزبديه ونخفقه كويس مع ملح وفلفل أسود
لما تتحمر النقانق نضيف لها البيض ونقلبها لحد ما تتحمر
وبالعافيه على قلووبكم ..
بيض أومليت
:: المقادير ::
3 بيضات
حبة طماطم مقطعه مكعبات
حبة بصل مقطعه مكعبات
حبة فلفل بارد مقطعه مكعبات
ملح و فلفل أسود
:: الطريقه ::
نحمر البصل في المقلاه مع شوي زيت ونقلبها بعد دقيقه نضيف له الطماطم
ونستمر في التقليب مدة ثلاث دقايق بعدها نضيف الفلفل ونقلبهم مع بعض
نخفق البيض بزبديه مع الملح والفلفل وبسرعه نضيفه فوقهم ونقلبه من الجهتين
وعاافيه على قلووبكم ..
سلطة الزبادي
:: المقادير ::
خيارتين كبار
ثلاث علب زبادي
نعناع مجفف
فصين ثوم كبار مهروسه
ملعقتين زيت زيتون
:: الطريقه ::
نقطع الخيار
نرج علب الزبادي رجاً مبرحاً
بعدين نضيف له الثوم المهروس ورشة نعناع وملعقتين زيت زيتون
وعاافيه على قلووبكم
سلطة الزيتون
:: المقادير ::
خس
طماطم
خيار
جزر
زيتون أسود اسباني
زيتون يوناني بني
تويستوز بنكهة الثوم والجبن
ملعقتين خل تفاح
نص ليمونه
:: الطريقه ::
نقطع المقادير السابقه ونضيفهم سوا
ونحط الليمون والخل
وبعدها نرش تويستوز فوقهم
وعاافيه على قلووبكم
سلطه منوعه بصوص الرانش
:: المقادير ::
خيار
جزر
طماطم
خس
ذره
فاصوليا حمراء
ليمون
خل
متبل رانش قودي
:: الطريقه ::
نقطع جميع ماسبق ونضيف له الفاصوليا والذره
والليمون والخل ونحط فوقها متبل رانش
واستمتعوا بالطعم يمي يمي
لفائف الكوسا بصلصة البشاميل
:: المقادير ::
كوسا
جبن كرافت
ملعقة دقيق
علبة كريمة خفق مراعي صغيره
لحم مفروم
ملح و فلفل أسود
:: الطريقه ::
نقطع الكوسا شرايح رفيعه مثل الصوره عشان نقدر نثنيها
على النار نحط كريمة الخفق وملعقتين جبنة كرافت سائله وملعقة دقيق
ونضيف لهم شوي ملح وفلفل أسود
اللحم المفروم أنا مسويته من قبل ومجهزته
نقلي شرائح الكوسا وبعد ما نخلص من قليها
ناخذ كل شريحه وندهنها بصلصة البشاميل ونحط عليها لحم مفروم ونثنيها
ونحط فيها عود أسنان عشان يمسكها
وعاافيه على قلووبكم ..
بيتزا دومينوز المقرمشه
:: المقادير ::
كاسين ونص دقيق
بيالة زيت
كاس ماء
بيضه واحده
اربع ملاعق حليب
ملعقة بايكنج باودر
ملعقة خميره فوريه
ملعقة سكر كبيره
ملعقة ملح
زيتون أسود مقطع
جبن موزاريلا
بصل
صلصة البيتزا
مشروم
:: الطريقه ::
نعجن العجينه ونتركها شوي
ندهن صينية البيتزا بزيت
وبعدها نحط العجينه ونحاول تكون رقيقه
عشان تطلع مقرمشه قدر الامكان
ونولع الار في الفرن من تحت لحد ماتستوي وعاافيه على قلووبكم
مشاوي مع الرز الأبيض بموية الورد
:: المقادير ::
لحم هبره
لحم مفروم
بقدونس
طماطم
فلفل
بصل
:: الطريقه ::
تبلت اللحم وحطيته بالثلاجه بعد كم ساعه طلعته
وبديت أصفه بالاسياخ
والكباب أضفت له بقدونس وبصل مفروم وبهارات وحطيته بلأسياخ
بعدها حطيت بصينية الفرن شوي مويه وصفيتهم فيه ودخلته الفرن وولعته من تحت وتركتها
لما نشفت مويتها ولعت نار الفرن من فوق وخليته يتحمر وكل شوي اقلبهم عشان يتحمرون
من الجهات الثانيه وكذا لحد ما استووا وتحمروا تحمير كامل
بالنسبه للرز
سلقت رز بسمتي نص سلقه وبعدين صفيته من المويه
بعدها رجعته للنار وحطيت معاه شوي زيت وملعقة موية ورد وملح وماجي أبيض وهيل
وكوب مويه ونص وخليته على نار هاديه لحد ما استوا تطلع ريحته تطير العقل
عاافيه على قلووبكم ..
سباجيتي باللحم المفروم والفاصوليا
:: المقادير ::
علبة مكرونه
لحم مفروم
بصل وثوم
فاصوليا مقطعه صغير
بهارات وملح
صلصه
:: الطريقه ::
نسلق المكرونه نص سلقه
على النار نضيف زيت ونحمر البصل ونضيف له اللحم المفروم
والفاصوليا ونقلبهم ونضيف لهم البهارات والملح ووالصلصه
بعدها نضيف لها كوب ونص مويه
نصفي المكرونه من مويته ونرجع نحطها عالنار ونضيف لها الخليط اللي سويناه
ونتركها على نار هاديه تستوي يفضل يكون باقي فيها شوي مويه احلى
وعاافيه على قلووبكم ..
كبسة روبيان
:: المقادير ::
روبيان صغار
رز
صلصه
بصل
ثوم
دارسين وهيل
:: الطريقه ::
على النار نحط شوي زيت ونحمر فيه الربيان بعدها بشوي نضيف له البصل والثوم ونقلبهم
ونضيف لهم البهارات والملح وملقتين صلصه وكوبين مويه وهيل ودارسين
نخليها دقيقتي ونطفيها لأن مايحتاج يستوي بسرعه الروبيان خصوصا انه صغير
نسلق الرز نص سلقه وبعدها نصفيه من المويه ونرجعه للنار ونضيف عليه مرق الروبيان
ونخليه على نار هاديه لحد مايستوي
عافيه على قلووبكم ..
..
حلا الطبقات من اختراعي
:: المقادير ::
أوريو ست مغلفات
ظرف دريم ويب
نص ظرف جلو كرز او فراوله اللي تبون
علبتين قشطه
مغلف واحد بسكوت شاي
أربع حبات كيري
كيك أمريكانا سويس رول تشوكليت
:: الطريقه ::
نقطع السويس رول ونصفهم بالصينيه
بعدها نكسر الاوريو ونضيف له علبة قشطه ونخلطهم سوا ونصبهم فوقها
بعدها نصف بسكوت الشاي فوقها
بعدها نفك حبات الاوريو عن بعض ونصففهم فوقها
بالخلاط نخلط الدريم ويب وجبن الكيري والقشطه ونص الجلو
ونصبهم فوقهم وزينتها بعد كذا بحبات الهيرشي هذي
تلاقونها بالسوبر ماركت بأكياس مع الحلويات
وعافيه على قلووبكم ..
ميلك شيك
:: المقادير ::
علبتين حليب مراعي صغار
خمس ملاعق حليب بودره
كيس فراوله مثلجه
بيالتين سكر
ملعقتين كبار آيسكريم فانيلا
:: الطريقه ::
نضيف جميع المقادير السابقه بالتدريج في الخلاط
لحد مايختلطوا سوا وبعدها نحطه بالكاسه ونزينه
بهيرشي الفراوله والتشوكليت السائل
وعافيه على قلووبكم ..
أتمنى يكون المنيو اليوم عجبكم وألف صحه وهنا على قلووبكم
دعواتكم لي ولوالدي لا تنسون
لكل فراشه مرت من هنا >>