أعذروني ماعرف أكتب المقاديير والطريقه سدلته سدل

أهلين بنات
عندي لكم طبخه من محض الخيال
يوم من الأيام أبغى أطبخ وما في طماطم
ياربي وش أسوي وما في أحد يشتري لي
المهم قلت أغامر وأطبخ بدون طماطم المهم وطبخت وقلبي على نار خايفه ما ياكلونه ويأكلوني إياه حق فلسفتي
بس في النهايه طلع شئ يبيض الوجه والله روعه
المهم ترى ما أعرف أكتب مقادير وطريقه وفلسفه
بسدل الكلام سدل والطباخه بتفهم
يالله نبتدي بسم الله
أول شئ نقعي رز قبل لاتبدين بأي شئ
وحمري بصل عالنار وبعد مايحمر حطي عليه اللحم والهيل والقرفه والليمون الأسود
وورق الغار وغطيه شوي لمدة دقيقه وبعدين حطي الثوم وحطي شوي ماي عشان ماينحرق
وروحي غسلي الرز وبعدين حطيه عالنار وحمري بصل وحطيه فوقه والرز لسى فيه مويه عشان يغير لونه
بس نص إستواء خليه عالنار
وروحي للحم إذا يحتاج مويه حطي لين يستوي اللحم وحطي كمان فوقه زعفران عشان يتغير لون اللحم
إذا خلاص إستوى حطي الرز فوقه وحطي شوي زعفران فوق الرز
وخليه شزي عالنار لين يستوي الرز
وبس
وبتطلع فضيعه وبتدعين لي إن شاء الله تعجبكم
إعذروني بدويه ماعرف أكتب المقادير والطريقه