إلى الأخوات المستجدات في كتابة المحاضرات

1. السلام عليكم ورحمة الله وبركاته


2. سأكتب ما حاولت استحضاره.. وبالله التوفيق :


3. هذي الطريقة تختصر عليك الكثير من الوقت.. مثلاً:

السلام عليكم ورحمة الله وبركاته

بما أننا على وشك بداية الفصل الدراسي الجديد حبيت أطرح هذا الموضوع اللي دائماً ما يخطر على بالي.. وكثيراً ما كنت أضع بعض النقاط في ذهني لترتيب الموضوع.. وسأحاول كتابة ما استطعت كتابته جاهدة.. وأتمنى من الجميع الإضافة إن وجد في الموضوع نقص أو خطأ.. وأكثر شيء دعاني لكتابة الموضوع.. هو معاناة الأخوات المستجدات في كتابة المحاضرات..

سأكتب ما حاولت استحضاره.. وبالله التوفيق :

• أولاً.. الأرزاق مقسمة بيد الله.. يعني فيه ناس ربي رزقهم السرعة في الكتابة وفيه ناس ربي مارزقهم السرعة في الكتابة.. بس ترا الكل.. الكل.. الكل.. بالتدريب والمحاولة والإصرار يستطيع أن يصل إلى مرحلة السرعة في الكتابة..
• لا تحاولي إنك تعتمدين على غيرك في أخذ المحاضرات وتصويرها وتكونين عالة على غيرك.. وتصير البنت مع الزمن تتهرب منك..
• حاولي كتابة المحاضرات بنفسك والنقص كمليه من أي أحد..
• إذا كتبت المحاضرة.. لا تكتبين بالرصاص.. لا تكتبين بالرصاص.. لا تكتبين بالرصاص.. اكتبي بالقلم الأزرق على طول.. ويا ليت يكون سائل.. لأن القلم السائل سريع في الكتابة ولا يحتاج ضغظ على القلم مثل الجاف.. لأن الجاف ما يظهر كما ينبغي إلا إذا ظغطتي عليه.. ومع الوقت تفتر إيدك بسرعه.. بس السائل أسرع وأخف.. وأنا أقول لا تكتبين بالرصاص.. لأن الدفتر في النهاية راح يصير شلكه زي ( الكشكول) وكل دفتر يعكس شخصية صاحبته.. لا مانع من الكتابة بالرصاص المحاضرة الأولى من كل مادة.. بس عشان تعرفين كيف طريقة الكتابة وطريقة الأستاذة في التنقيل.. وبعد كذا حبري على طول بدون الكتابة بالرصاص..
• لا تحاولين إنه يكون لك دفتر واحد تجميعن فيه كل المواد.. هذا الشي ما أنصحك فيه لعدة أسباب:
• لأن الدفتر المقسم يكون مقسم 5 أقسام وعدد الورقات 200 ورقة.. يعني القسم الواحد راح يكون فيه 40 ورقة.. وهذا قليل مره وراح تضطرين إنك تكملين كل مادة في دفتر خارجي..!! وهذا يشتت.. من البداية خلي لكل مادة دفتر أبو 100.
• لو انسرق الدفتر لا قدر الله أو انشق أو ضاع أو أحد استعار منك الدفتر.. ما تضيع كل المواد عليك.. ولو كان دفتر خاص بمادة وحدة كان راحت عليك مادة وحدة بس..
• لا تكتبين في أي مادة في الدفتر على وجه الورقة وظهرها.. لأنك راح تستخدمين القلم السائل والسائل يطبع على الورقة.. ولأن المرحلة الجامعية تحتاج تكتبين كل شي.. وفيه أشياء تتنقل وفيه أشياء تنشرح.. اللي يتنقل دائما خليه على يدك اليسار.. والإضافات والملاحظات وبعض الشرح والتوضيح البسيط خليه على يدك اليمين.. وهذا الأسلوب اتبعيه حتى لو صرتي ماجستير أو دكتوراه.. بهذي الطريقة تعرفين وش اللي نقلتكم إياه الدكتورة و وش اللي أنت أضفتيه وشرحتيه ووضحتيه..
• رتبي دفترك وخليه يفتح النفس.. هذا الشي يسهل لك المذاكرة.. ويسهل لك إنك تتذكرين شكل الورقة في الاختبار.. بعد كل فقرة وفقرة اتركي سطر.. والعناوين خليها بلون مخالف واضح.. ولا تتكلفين و تستخدمين الألوان في الدفتر مثل الأصفر والبرتقالي.. في النهاية يسير ساطع.. وتحتاجين نظارة شمسية عشان تشوفينه!! يكفي أربع ألوان رسمية.. قبل كل عنوان خلي سطر فاضي.. خلي العناوين الكبيرة بلون واحد والعناوين الفرعية بلون واحد.. يمكن تحوسين شوي في الترتيب في البداية وبالذات إن الدكتوة تنقل بسرعة أو تتكلم بسرعه.. بس عادي.. مع الزمن راح تتنظمين أكثر وراح تتعودين.. بس إبدي بداية سليمة.. ولو حصل إنك اتبعتي نظام قديم.. حاولي إعادة ترتيب نفسك من غير ما تعيدين شي.. يعني المحاضرات اللي كتبتيها.. لا تعيدينها.. لأنك أصلا راح تلخصينها في ورق خارجي للإستعداد للإختبار.. بس من بداية المحاضرة الجديدة ابدي نظمي نفسك..
• وقت التنقيل اكتبي مع الدكتورة.. وإذا فاتك شي اتركي فراغ له.. بس لا تسألين اللي جنبك والدكتورة تتكلم أو تنقل.. لأنك راح تكملين الكلمة اللي فاتتكِ بس بسبب كلامك بيروح بدال الكلمة 5 كلمات.. وراح يصير بدال الفراغ فراغات في دفترك وفي دفتر اللي جنبك.. وتضرين اللي جنبك لأنك تسألينها عن الكلمة وقت التنقيل.. ولا راح تفهمك ولا راح تفهم الدكتورة.. عشان كذا إذا فاتك شي.. اتركي فراغ له ولا تسألين اللي جنبك.. وحطي إشارة بداية السطر بالرصاص عشان تعرفين إن هذا السطر فيه نقص.. وبعد المحاضرة اسألي على كيفك..
• المفروض بعد كتابة المحاضرة.. ترجعين البيت وتقرين وش كتبتي.. لأنك مع التنقيل السريع وملاحقة شرح الدكتورة راح تكتشفين إنك دمجتي أكثر من شي في كلمة وحدة.. حاولي تصلحينها في نفس اليوم.. وتضيفين بعض الإضافات اللي توضح وتشرح لك بعض النقاط الصعبة.. ولو تأخرتي للأسبوع الذي يليه.. ما رح تتذكرين أي شي.. وراح يبقى النقص.. وراح تفوتك فوائد كثير كان من الممكن إضافتها للشرح..!
• إذا كان استخدام الألوان للعناوين الجانبية يأخرك عن الكتابة بسرعة.. استخدمي قلمين فقط.. الأزرق لكل الكلام والرصاص للعناوين الجانبية.. وفي البيت حبري العناوين اللي كانت بالرصاص.. وهذا الشي أهون من إنك تكبين المحاضرة كاملة بالرصاص وتحبرينها في وقت يقدر ب 4 ساعات..
• بعد كل محاضرة اتركي ورقة فارغة.. وإذا جاءت المحاضرة اللتي تليها وكانت الأستاذة تسأل أسئلة مشاركة عن الدرس اللي راح.. اكتبي هذي الأسئلة في هذي الصفحة الفارغة. وإذا جاء وقت الاستعداد للاختبار.. وشفتي كيف طريقة الأستاذة في طرح الأسئلة راح تفيدك هذي الأسئلة في فهم طريقة الأستاذة في طرح الأسئلة وراح تتوقعين كيف تجي الأسئلة وتكتشفين وش الأشياء اللي ركزت عليها الأستاذة.. وبتلاحظين إن الأسئلة نفسها راح تنعاد في الاختبار!!
• فيه طريقة أنا أسويها وهي إني مخصصة لكل مادة ملف (اللي تصير أوراقه مخرمه) وهذا الملف في البيت ولا يخرج منه نهائياً إلا وقت الاختبار.. طبعاً يكون معي في الشنطة مجموعة أوراق مخرمة (10 أوراق مثلاً للاحتياط) أكتب فيها محاضرات ذاك اليوم.. وإذا رجعت البيت أضفتها للملف حسب تصنيفي وتنظيمي لها.. هالطريقة البعض يشوفها صعبة لكن لو فكرتي فيها بتلاقيها لمصلحتك.. لو انسرقت شنطتك أو ضاعت أوراقك ما بتفقدي إلا محاضرات هذاك اليوم.. ولو وحده من البنات طلبتك محاضرة معينة أو تلخيص لصفحة معينة بتعطينها ملخص الصفحات اللي تبيها بس مو كل المنهج فلو ما حافظت عليه أو ما رجعته لك يكون ما خسرتي إلا هالصفحات القليلة مو كل المنهج.. غير إنك بهالطريقة تكون ملخصاتك فيها مرونة لو بغيت تعيدين كتابة ورقة منها ما يصعب عليك هالشي بخلاف لو كنتي تكتبين في دفترك.. رح تضطري تشقي الورقة وتلصقي ورقة ثانية مكانها.. فهمتوا قصدي؟
• كتابة الشرح على الملصقات وإلصاقها على الكتاب.. أنا أشوف إن هالطريقة فاشلة أول شي ما حتكون عندك مساحة كافية وبتضطري تغطي الصفحة كلها بالملصقات.. وغير كذا لو ضاع الكتاب فالله يستر عليك.. وغير إن الكتاب يصير يسد النفس وممكن تطيح منك ورقة أو ياخذها أحد منك وأنتي ما تدرين..
• استخدام رموز تشير للكلمات المستعملة بكثرة أثناء الكتابة..

هذي الطريقة تختصر عليك الكثير من الوقت.. مثلاً:

• القول الأول>>> ق1
• القول الصحيح>>> ق (وجمبها علامة "صح")
• مهم أو يجي في الاختبار كثير>>> *
• فقرة معينة يشوبها النقص>>> -
• فقرة عندك عليها سؤال>>> س (وممكن لو خايفة تنسين السؤال تكتبين "س: ثم سؤالك")
• يفضل إنك تسألين كل أستاذ عن طريقته من أول محاضرة وهل يطالبكم بالإضافات ولا لأ.. استغلي أول محاضرة بالأسئلة مو السواليف.. ويفضل إنك تكتبين معاه كل الملاحظات والإضافات حتى لو ما يطالبكم بها.. لأن بعضهم ممكن يغير رأيه في نهاية الترم ويصير يطالبكم بها (كذا عباطة)..وحده من الإستاذات كانت تقول اللي تبي تكتب الإضافات والتوضيحات تكتبها واللي تحس إن المنهج واضح فمو لازم تكتبها (يعني مو مطالبين فيها).. وفي نهاية الترم قالت كل التعليقات اللي سبق وحذفتها معاكم في الاختبار (طبعاً هيه موجودة عندها بكتابها.. بس الحمدلله ما جابت شي منها)..
• إذا كتبتي في ملخص خارجي ضروري تكتبين رقم الصفحة أول شي وبعدين تحته الملاحظات اللي تخصها..
• فيه شي أخير ودي أنبه عليه اللي هو كتابة الشرح على الكتب.. يعني والله حرام أبوك طول اليوم يكد ويشقى ويشتري هالمجلد بأكثر من 120 أحياناً وأنتي بكل برودة قلب تكتبين عليه لا وبالحبر بعد.. طيب كيف حتستفيد الناس بعدك (سواء أخوانك أو غيرهم).. حتى لو كان ربي منعم عليكم ما أعتقد إن شكر النعمة يكون بإتلافها بهالطريقة.. أصلاً شرح الأستاذ ممكن يطول أحياناً والمساحات اللي في الكتاب ما تكفي.. بيصير كتابك حوسة.. ولو بغيتي تعدلين أو تضيفين شي (شرح مثلاً أو ملاحظة) ما حتقدري.. ولو ضاع كتابك فاعتبري نفسك ضعتي معاه.. طيب عندك ملاحظة أو شرح لنقطة معينة في الكتاب حطي عندها إشارة (على الهامش الجانبي المقابل للسطر الموجودة فيه هذي العبارة) واكتبي هالإشارة في الملخص وجمبها الكلمة اللي تودين التعليق عليها ثم الشرح أو الملاحظة..

مثال: لو كانت العبارة (الصلاة ثاني أركان الإسلام)
وكنتي تبين توضحين تعريف الصلاة فحطي إشارة (أنا أحط أرقام داخل دائرة عند الهامش الجانبي المقابل للسطر الموجودة فيه هذي العبارة مثلاً 1).
وفي الملخص الخارجي اكتبي "(1):الصلاة: هي عبادة تشمل أفعال وأقوال...إلخ."
ويستمر الترقيم هذا في كل صفحة من الكتاب وأبدأ ترقيم جديد مع كل صفحة جديدة.. بالطريقة هذي حتى لو ضاع كتابك وشريتي كتاب جديد ما حيكون عندك أي مشكلة.. لأن كل شي كتبتيه في ملخص خارجي (ما فيه شي بالكتاب) وكل التعليقات تعرفين وين أماكنها (لأنك تشيرين لها في الهوامش والملخص ولأنك موضحة وش الكلمة اللي تبين تعلقين عليها)..
إن شاء الله يكون قصدي واضح..
منقول من منتديات جامعة الإمام بتصرف
أخواتي هذا الموضوع بيكون بمثابة الملف اللي أطرح فيه أي ملاحظات أو اقتراحات ممكن ترفع مستواك الدراسي.. وعقبال المعدل الكامل.. اللي حابه تضيف أو تشارك ما عندي أي مشكلة بالعكس أفرح والله.. دمتم بخير..