اإيش تسوين بدجاجة الغداء طريقة مميزة لأستغلالهاا

بسم الله الرحمن الرحيم
السلام عليكم ورحمة الله وبركاتة
كيف حالكم ؟؟ ان شاء الله تكونوا بصحة و عافية
فراشاتي جبت لكم اليوم فكرة مميزة مرة
على كيف تستغلين الدجاجة الباقية من الغداء بدل ما نرميها او شيئ
طبعاً بعد ما تتغدون راح يبقى بقايا للدجاجة بعد الغداء خوذيها
و حطيها في صحن و غلفيها بالنايلون و حطيها بالثلاجة
على العصر او المغرب كل واحد من اولادك بيقول
يمة انا جوعان ابغى اكل .... الخ
وقتها يجي وقت الدجاجة
طلعيها وفتتي الباقي من الدجاجة (( اللحم من دون العضم ))
سار عدنا دجاج مفتت
و هاذي باقي الطلبات راح تكون موجودة في مطبخك
(( جزر – شوية بهارات – شوية صلصة – و ملح – و خل تفاح – شوية زيت - مرقة ماجي ))
طبعاً كل الكميات تحطينها على حسب الدجاج اذا كان كثير او قليل
يعني مافية كمية معينة
..:: الطريقة ::..
حطي الزيت في القلاية
و بعدين حطي فوقة الجزر و حركية الين ما تمر ثلاث دقايق
بعدين حطي الدجاج فوقة و حركية و حطي كل باقي الطلبات
ما عاد خل التفاح حطية ثلاث ملاعق كبيرة
و بكذا انتهينا و اعطية اولادك مع الخبز
صدقيني بيحبونه كبيرهم و صغيرهم
و الطلبات مثل ماقلت ما يحتاج تشترين حاجة
تراها فكرت ماما عشان تسكت رواف خ
موفقين بنات لا تنسوننا من دعائكم
~
اختيكم ...
منار و ميار