ابي عجينه فطاير

هلا حبيبتي
هذي عجينه لجميع انواع المعجنات والفطاير
اتعب وانا اقول حلوه
....عجينه العشر دقايق....
المقادير:
فنجال قهوه حليب /فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
الطريقه:
تخلط هذه المقادير مع بعض وبعد الانتهاء من العجن تمسح بقليل من الزيت
وتترك لمدة 10 دقائق
بعدالعشر دقائق
تستعملي العجين تحشيه وتشكلينه مثل ما تبغي
وقبل لا تدخليها الفرن
جهزي بيض وحليب اخلطيهم مع بعض
وامسحي فيهم المعجنات عشان تعطي لمعه حلوه
ودخليها الفرن
وبالهنا والعافيه
يارب تعجبك
دعواتك ليا

المقادير:
3اكواب دقيق ابيض ويمكن اكثر شوي حسب الدقيق
2م ك خميره فوريه
م ك بيكنج بودر
م ص ملح
فنجان القهوه سكر
فنجان الشاي زيت
كوب حليب دافئ
نصف كوب ماء دافئ
الطريقه:
نخلط جميع المقادير في الخلاط عدا الدقيق والبيكنج بودر
ثم نضيفها الى الدقيق والبكنج بودر
ونعجنها زين اقل شيء 5دقائق
بعدها نغطيها ونتركها تخمر في مكان دافئ مدة 20 دقيقه فقط
ولو تلصق زيدي دقيق الين تضبط معك
انا كنت تلك الين جربت عجينة اسطورة الليلك
سوي بحث عنها بوقل
انا نسختها لك نفسها

الله يسعدكن يارب
ويوفقكن ويرزقكن من حيث لاتحتسبين
ان شاء الله اول ماصحى ابجرب كل الثنتين على طول
على فكره الحليب اللي بالمقادير بودره ولا سائل
ومشكوه
ام لولي انا استعمل دقيق كويتي ينفع
والحليب الصافي اسخنه ولا احط مثلا نيدو اخضه مع ماء دافي؟؟

طريقة العجينه الي استخدمها لكل شي
4 كاسات طحين -نص كاس زيت - نص كاس حليب بودر
2ملعقه خميره -2 ملعقه بيكنج بودر - 4ملاعق سكر
قليل ملح - ماء حسب الحاجه تخمر ساعه وتشكل وتخبز
يفضل العجن بماء دافي

مدام انكم فتحتو مووضوع بخصوص العجينه
طلبتكم
ابغى عجينه للقلي نآآآآجحه وتاصير تتلاصق
كثير جربت عجاين من النت وماضبطت
ابغى حاجه ماتصير معجنه لما ناكلها يعني داخلها عجين!!>>>معاناه
لان الفرن حقي مااعرف له من شريته ومااعرفت كيف اشغله اللي تحت
ومشكورين ويعطيكم الف عافيه مقدما

ماقصروا البنات اعطوك وصفات ..
لكن في نقاط مهمه عشان تطلع لك عجينه ممتازه
تأكدي من صلاحيه البيكنج بودر او الخميره الفوريه
تذوبين الخميره في مويه دافيه ..
اي سوائل بتحطينها تكون دافيه
بعد ماتشكلين العجينه وتحشينها تسخنين الفرن قبل ب10 دقائق
وبعد ما تخرج الفطائر من الفرن غطيها بفوطه نظيفه

مشكوره حبيبتي ع الدعوات
الحليب بودره ياعيوني(:
وبعد ماتخرجيها من الفرن حطيها بحافضه
وغطيها تصير كانهل قطن
مراا حلوه هالعجينه
وشوفي في النت
اكتبي عجينه العشر دقايق
وشوفي كيف يمدحوها

charisma23
من حظك ياقلبي الدفتر بيدي جالسسة ادون اطباق الى شهر رمضان
هذي عجينة للقلي خيال تصير لك كأنها توست كل من ذاقها قال لي كيف كورتي التوست كذا وهي عجينة انا عاجنتها
المقادير
استخدمي نفس الكوب في كل المقادير
3 كوب دقيق
1 ملعقة خميرة
نصف كوب زيت
1 ونصف كوب ماء دافئ مش حار
ذرة ملح
تخلطينهم سوى لحتى تتكون عجينة متماسكة ولا احلى وبعدين تغطينها وتخلينها بمكان دافئ لمدة 20 دقيقة وبعدين تحشينها بكيفك اي حشوى لحم دجاج جبن اللي تحبين ومرة وحدة بعطيك طبخة بها
انا احشيها اوقات بجبن البقرة الضاحكة واكورها وبعدين اغمسها ببيض وادحرجها بالزعتر واقليها بزيت غزير وتطلع يمي هذي صورتها من مطبخي