احلى مسقع

سلام حبيباتي ربات البيوت
نبي نسوي موسوعه( المسقعه )!!!!!!!!!!!
اقلكم كيف الحين انا بحط طريقه مسقع والتانيه تحط طريقتهم في صنع المسقعه وزي كدا لان هدي الاكله لها اشكال كتيره وطرق عديده .. وانا ببدا في اول طريقه
المقادير : بطاطس ,باذنجان, لحمه مفرومه طازه مو الجاهز لان طعموه مو حلو,بصل ,ثوم ,
عصير اتنين حبه طماطم ,اتنين ملقه اكل معجون طماطم,بهارات زي ما تحبي بس
اهم شي الكمون والفلفل الاسود.
الطريقه:اول شي نقلي البطاطس والباذنجان لمن تحمر شويه
تانيا نحمر البصل والتوم ونحط عليها الحمه المفرومه ونخليها شويه على نار هاديه
تالتا نحط البهارات وعصير الطماطم ومعجون الطماطم ونخليها تتسبك والملح طبعا
رابعا نرص البطاطس والبانجان اسفل الصينيه ونحط عليها الحمه وبعدين نغطيها بالبطاطس
والباذنجان مره تانيه من فوق ..
اخر شي نغطي الوجه بحبه بيضه مخلوطه مع كمون وشوي بقدونس وفلفل اسود عشان تطلع متماسكه لمن تشيليها من الصينيه
وبالهناء والعافيه جربوها جدا لزيزه