اختي و الرقية الشرعيه حتى الزواج تعالوا نسوي زيها وشجعوني

السلام عليكم ورحمه الله وبركاته
اخواتي
اختي تقدمت في العمر ولا احد جاء تقدم لها ولا احد يدق التلفون يطلبها مع انها جميلة بشهادة الجميع
المهم
صارت كل يوم في الليل (( تقوم الليل و تقرأ سورة البقرة في ركعتين )) و تصلي الوتر و تنفث في زيت زيتون وتدهن كل جسمها و تنام
والاذكار الصباح و المساء ما تتركها و الاستغفار على لسانها
والله ثم و الله كل اسبوع داخلين خطاب بيتنا يخطبونها لدرجه شكينا فيها وقلنا لها هل كلمتي خطابه تجيب لك عرسان قالت لا
وما يصير نصيب اننا نسأل عن الرجال و ما يكون تمام ولا سمعته ما هي تمام
الا ان ربي يسر لها واحد تقدم لها و تم الموضوع بأسرع ما يمكن و هي اللحين عندها بنت وولد
امانه ادعوا الله قولوا ماشاء الله تبارك الرحمن لا قوة الا بالله الله يوفقها يارب و يحميها من العين
هيا قالت لي سوي الي انا سويته والله يا بنات كل ما ابغى اسوي الي هي تسويه ما استمر ولا اقدر
لاني اروح المعهد مرة متعيجزة اروح للمعهد وانا في الليل مدهنه نفسي بزيت زيتون غير نومي المتقطع الي ما اعرف نهاري من ليلي واداوم الصبح متى اتروش ؟؟؟؟؟؟؟؟؟
بالله يا بنات كيف انظم وقتي بين الدراسه في الصبح وبين صلاة الليل و الدهان بزيت زيتون في الليل
لازم يكون في الليل لااحد يقول لي سويها في النهار
مين تبدأ معي برنامج اختي خلونا نتكاتف و نشجع بعض و نسويها وتصدقون صارت لي مواقف في خطوبتي يتفركش موضوعي بسرعه ولا عاد الناس يرجعون حتى اهلي شكوا فيني يقولون لازم ترقين نفسك
ارجوكم يا بنات والله مالي غيركم يشجعني كيف انظم وقتي واسوي نفس الي تسويه اختي ومين تبدأمعاي
يارب ما يجي رمضان هذي السنه الا انا وانتوا في مطبخ بيوتنا و نسوي الفطور لازواجنا