استفسار للمبدعة فروحة وجميع الماهرات ليش دجاجي

سيدة قواعد

30-09-2022 - 11:56 pm

السلام عليكم ورحمة الله وبركاته
استفساري قد يضحك منه البعض ولكنه مصير ي بالنسبة لي ليش ؟
أحس إني صرت أنحرج من زوجي ..
المشكلة ومافيها عزيزاتي ..
أختكم في الله لاتستخدم الدجاج بعظم إلا نادرا ( لاأنا ولا زوجي نفضله )
وإنما أستخدم صدور الدجاج المسحبة ( فيليه ) غالبا في طبخي ..
لدي مشكلة مع هذا النوع من الدجاج وهو إنه يطلع ناشف أو قاسي عند المضع لماذا لاأعرف !!!!
رغم إني جربت تغيير الشركة فمرة الوطنية ومرات رضوى ومرة التنمية وهادكو وجربت ساديا .....
مبرد ، مثلج ..
النتيجة متشابهة !!!!
قلت يمكن إني أطهيه كثير فقللت المدة .. ولا زلت أعاني .. شكيت في طبخي وصرت ما أحبه كثير ..
هل من منقذة .. وكم المدة التقريبية لطبخ هذا النوع من الدجاج ؟؟؟
مع خالص شكري مقدما ..

التعليقات (9)

تــرف !

01-10-2022 - 02:17 am

على حسب الطبخه يعني اذا بتسلقيه خليه وجيبي سكينه شوفي اذا استوى
يعني اذا شفتيه لين بالنسبه لك .. حتى بالطبخ شوفي بالسكينه عشان تتاكدي ..
موفقه ياعسل

سيدة قواعد

01-10-2022 - 03:18 am

شكرا على نصيحتك تروف ..
بس أنا أتبع هذي الخطوة بس فجأة أجربه ألقاه ناشف ..
علما أني ما أخليه كثير ظأقلبه لمدة 3 إلى 4 دقائق وأجربه ..
في السلق طبعا أكثر حوالي 7 إلى 10 دقايق وأجربه ..

نسيم شرقي

01-10-2022 - 04:19 am

ياغاليه لازم صدور الدجاج تنقعيها في تتبيله اقل شيئ من 8 - 10 ساعات عشان تطريها انا كنت مثلك استخدمت جميع الانواع ولكن تطلع صدور الدجاج قاسيه مره لحد ما استخدمت التتبيله وارتحت من هالمعاناه بفضل الله
وافضل لك تبليها من اليوم اللي قبله وخليها في الثلاجه واليوم الثاني سويها مثل ماتحبي
التتبيله (( عصير ليمونه + رشه ملح + رشه فلفل اسود + علبه زبادي )) تخلطينها كلها مع صدور الدجاج وتتركينها في كيس لحم وتربطينه كويس او علبه بلاستيك لها غطاء محكم وتدخلينه في الثلاجه لليوم الثاني جربي بكره وشوفي الفرق
دعواتك لي ان الله يفرج همي انا وزوجي

شـاي أخضـر بالتـوت

01-10-2022 - 05:20 am

معروف حبيبتي صدور الدجاج المسحبه تصير قاسيه بالطبخ ماتصلح الا مقطعه بس كامله مع الرز الله يكرم النعمه قاسيه ومالها طعم العظم له دور في النكهه والجلد يطري..حاولي تغيرين الى دجاج كامل افضل واطعم مافي مقارنه والله يوفقك

سيدة قواعد

01-10-2022 - 06:21 am

أختي نسيم شرقي ... ربي يحقق لك كل أمانيك .. جاري التجربة فورا ..
أختي شاهي أخضر بالتوت ... أنا أحبها بدون عظم بس ممكن آكلها بس أكثر ما أطبخ صدور فيليه .. بس طبعا أنا أقصد مقطعة زي الصيني ، شاورما ، ايدامات ، ساتيه ، شيش طاووق ..
بس الغريب إني شفتك كاتبة إنك تطبخيها بجلدها !!!!؟؟؟ هذي أحسها قوية شوية !!!
عموما شكرا على ردك .. الله يشفي ابني وبنتك ..

سيدة قواعد

01-10-2022 - 07:22 am

farro0ohaaaa help me
where are you
؟؟؟؟؟؟؟؟؟؟؟؟؟؟؟؟؟

سيدة قواعد

01-10-2022 - 08:23 am

لسا عندي أمل أحد يتجاوب ..!!!
مسكينة صح ؟؟!!
أفا يافروحة ماهقيتها منك !!!

~ رحلة عذاب ~

01-10-2022 - 09:24 am

انا اقولك الحل
نقعيها بخل اسود يفك انسجتها ويطريها
وبعدين اغسليها زين واسلقيها واطبخي منها
ادعيلي ربي ينتقم لي من اخوي

سيدة قواعد

01-10-2022 - 10:25 am

الله ينصرك على من ظلمك حبيبتي ..

لحم الستيك كذا←
الطباخه الجنوبيه لاهل ارياض بصور→