استفسارات عن الزواج دعوات قلبيه للي تريحني وتساعدني

موفقه ياقلبي

ربي ملاذي
والله ياقلبي حاولت ارد عليكي باللي اعرفو
ربي يتمملكم على خير يارب

هلا قلبو هونيها تهون
لا ترتبكين خلي كل شي يمشي طبيعي
فيه اغنيه اسمها بياع الورد يمكن تنفع مه توزيع الشوكليت
والطقاقات لا تعطونهم باقي فلوسهم الا بعد ما يخلصون ,, وعادي دقي و اكدي لها
والله يوفقكم و عقبالك

السلام عليكم ورحمة الله
وعليكم السلام ورحمة الله وبركاته
مدري من وين ابدأ لكن كلي عشم فيكم انكم ماتخيبون ظني
ياحبيبتي قلبي " من توكل على الله فهو حسبه "
وكلي الرحمن وهدي بالك كل شيء بيكون خير بإذن الله
انا ماسبق وصار زواج ب العائله فما ادري عن التجهيز ولكن بقولك اللي اعرفه
والله في عون العبد ماكان العبد في عون اخيه ..
بنات انا ماعندي خوات الا صغار بالابتدائي وانا فالجامعه وزواج اخووي باقي له اسبوع !!
الله يخليهم لك والله يتمم لاخوك على خير
وزياده على كذا مانحضر زواجات يعني مادري وش بنسووي بالزواج !!
والله مادبر شي ماعرف شي تعرفون احنا اهل المعرس يعني احنا اللي في الوجه
ابي اسألكم عن اشياء واتمنى تقولون لي كل شي بالتفصيل الممل
واذا عندكم اشياء زياده قولوها حتى لو ماسالتكم ..
ان شاء الله اقولك اللي اقدر عليه
ابي اعرف اول شي احنا حجزنا طقاقه قبل شهر تقريبا وخايفه تسحب علينا وودي ااكد لها كل شوي بس خايفه اتصل عليها كل شوي
يعني عادي اكلمها اليوم وااكد لها الموعد واقولها لا تنسين وكذا ؟؟
ثاني شي انا خايفه مرره من الطقاقات انهم يفشلون اهل المعرس انا اسمع كذا
يعني وش تنصحوني اقولهم اول مايجوون وكييف استقبلهم ومتى اعطيهم فلوسهم
واي شي يخص الطقاقات قولوه لاني والله ماعرف شي ومدري وشلون بيصير الوضع :(
اذا انتي عطيتيها العربون تطمني .. وادعي ربك ب التيسير
ومافيه مانع إنك تدقين عليها قبل الزواج بأسبوع تحرصينها
ثم قبل الزواج بيوم تسلمين عليها وتحصرصينا هذا شيء من حقك ..
ولاهم ب مفشلينك إن شاء الله " تفائلو ب الخير تجدوه "
وبعد بالنسبه للاغاني اللي نعطيها الطقاقه عشان تغنيها
وودي ارتبها بوورقه
مثلا اول اغنيه ترحيبيه
وثاني اغنيه بمين باسم المعرس او العرووسه ؟؟
يعني ابيكم ترتبوون لي الاغااني لاني مدري يبدون يغنوون بميين
ابيكم تحطون لي قائمه بالاغاني خمس او عشر اغاني عالاقل وتقولون بجنب كل اغنيه تغنيها بمين ؟؟
وفي شي مهم احنا طلبنا طقاقات بدون مدح بس قلنا لهم مدحين بس اللي هي بالعريس والعرووسه
والله يهذا الشيء ما اعرف عنه شيء
بس اللي اعرفه ان اغاني التقديم
تشغلينها يعني تكونين مجهزتها في سيدي مثل الزفه .. وقدوم اهل العريس
وزي كذآ
وهذا الشيء المفروض تناقشينه مع الطقاقه يعني كلميها وسلمي عليها وسايريها
وقولي والله السالفه كذا وكذا
وشوفي وش تقولك .. وترى هم ادرى بأجدد الاغاني ..
كلميها وقولي متى تكونين فاضيه ودي استفسر منك فهمتي
او تسالينها عن مناسبه بتروح لها وتروحين انتي تسمعين اغانيها وتستفسرين منها
وتكتب اللي تبين في ورقه
وتشوفين وشلون زواجات الناس
يعني ابيكم تحطون لي اسم اغنيه ترحيبيه حلوه
واثاني اغنيه حلووه باسم العريس
وثالث اغنيه للعرووسه
هذي الاشياء يسوونها لك راعين الزفات .. لكن اذا فيه اتفاق مع الطقاقه شيء طيب ..
وابيكم تعطووني اسماء اغاني حلووه للرقص وجديده
ي قلبي الطقاقه عندها كل الاغاني الجديده
مثل ماقلت لك احضر زواج لها وشوفي الالبوم حقها .. ترى من حقك بس سايريها
بعضهم الله يهديهم نفوسهم شينه
وفيه بعد انا بطلب وردة الشوكولاته من ام فهد اللي هي هذي
الافضل انك تدورن اغنيه في النت خاصه ب التقديم
يعني ما تغنيها طقاقه وتشغلينها وقت التوزيع وتحاولين تطولين وقتها
لين ينتهي التقديم ع المعازيم كلهم
ابي اقولك شيء ترى المعازيم اولى من اللي ع المنصه
اللي عن المنصه بيكونون اهلك وربعك فهمتي قصدي
ابدي التوزيع من اول القاعه لاخرهاا
اول شيءخلي اللي بيوزعون الحلى يصفون على طرف المنصه كلهم
ثم لا شغلني الاغنيه مع بداية حماسه ينطلقون للظيوف ب الترتيب
لين نهاية القاعه
ووش رايكم متى اوزعها الساعه كم وودي اشغل عليها اغنيه
حلووه وانا اوزعها يعني تكون مناسبه لحركة الوورده
عشان تكون حركه حلوه
والله ما ادري ب الضبط ولكن بقول لك على حركه حلوه شفتها في زواج
كانت جايبه فلبينيات وملبستهم تنوره ابيض قصير و بلوزه اسود وصديري فضي يهبل على لون الصياني
وخلتهم يلفون بها بعد الضيافه
عاد انتي اذا الورد وردي خليهم يلبسون صديريات وردي او الزي اللي تحبينه
طبعا ناويه انا اوزعها على اللي بالمنصه ثم اعطيها العامله توزعها على باقي الحضور ؟؟
ووش رايكم كذا حلو ولا لا ؟؟
انتي ما توزعين شيء انتي بس تتفرجين وانتي مبسوطه
خليهم هي يوزعون وميزي لبسهم لا تتكلفين كثير
فييه اشياء كثيره ببالي محتاره مدري كيف لنها اسئله سخيفه
بس لاني ماعرف شي ودي اعرف كل شي مابي نتفشل عند الناس
ترى نستفيد منك وتستفيدين منا
كلنا عون لبعض ابشري واسالي بدون حررج
ابيكم تقولن لي كل شي من بداية الزواج ووش نسووي الى نهايته
وش الاشياء اللي نتجنبها
وكل شي قولولي كل شي كان الزواج زواجكم وانتم بترتبون ذاك اليوم
قولولي الساعه الفلانيه استقبال والساعه الفلانيه كذا والساعه الفلانيه
توزيع الورده والساعه الفلانيه يبدا الطق
مثل ماقلت لك بقولك اللي اشوفه بزواجات احنا ماسبق وسوينا زواج
بس اللي اعرفه ان اهل العروسه هم اللي ب القصر ويستقبلون الضيووف
يعني يجلسون فبدايه دخلة المعازيم ويحطون صبابتين اشكالهم كشه ويعطونهم مدخنتين تبيض الوجه
والبخور ما يطفى ليين حضرون المعازيم كلهم واهل العريس فهمتي قصدي
المهم لما يحضرون اهل العريس تبدأ الزعاريط و اغنيه خاصه لهم ترحيب
ويبدون اهل العروسه يسلمون عليهم تسليم حار
ويجلسونهم في صدر القاعه فهمتي
ثم تجلسون تسلمون وترحبون وتحييون في العالم لين تمتلي القاعه اقصد يحضرون اغلب معازيمكم
لا تستعجلون ب الضيافه لين تشوفين المعازيم حضرو
ثم يالله تبدون الضيافه
القهوه طبعا ثم الحلآ .. اذا عندك مشرفه سنعه بتشوفين ترتيب الصبابات والعاملات يشرح الصدر
والقهوه والشاهي وهم ابخص بشغلهم ..
بعدها قدمي التوزيعات موب انتي اللي توزين لآ خلي العاملات يوزعون وعلمتك وشلون
اما الطقاقات متى ماجو خليهم يبدون وبس اصلا هم ثقال دم متى يجونك
ادري يمكن بعضكم يستهين باللي كاتبته ومايشوفه شي بس والله انه هم مايعلمه الا الله
حتى اني قلت لاهلي شي ماحنا بقده ليش تسوونه ؟ ليش ماخليتوه عائلي ارحم لنا واحسسن ؟!
بس وش اسوي
لا يقلبي انتو قدها وترى الامر هين لا تقلقين نفسك
كل شيء يتسير بقدرة رب العالمين
بس الله يسعد ويرزق اللي ترد من حيث لاتحتسب وينولها مرادها ياحي ياقيوم
دعوات قلبيه صادقه للي تدلني وتريحني
ايه يقلبي ادعي لي انا مخطوبه من شهرين
وللحين ماصار شيء دعواتك لي اتملك
الله ييسر اموركم
ويسعدكم في ليلتكم ب الشكل اللي يرضيكم
بس هذا اللي قدرت عليه اعذريني حبيبتي

الله يوفقكم

سبحان الله

Black Rose2011
الله يسسعدك ويرزقك ماقصرتي
الليدي
مشكوره الله يووفقك ويسسعدك يالغلا والاغنيه للاسف ماتنفع
T o F e E
الله يسعدك يالشيخه ويرزقك لين يرضيك
مشكوره ماقصرتي يالغاليه
والله يتمم لك على خير ويرزقك رزق ماحسبتي حسابه
مشكورين يالغوالي
وانتظر البقيه باي معلومه + اسم اغنيه تنفع لوردة الشوكولاته

والله مادري بس الله ييسر امورك ويطلع زواج اخوك احلى زواج
لاتشيلين هم اللي ربي كاتبه بيصير المهم وقي وحتى لو صار شي وانتو فالقاعه لاتبيني للمعازيم يمكن يكونو ما انتبهو للشي اللي صار
ادعيلي ربي ييسر اموري ويتحدد زواجي