افكر في الطلاق بس خايفة انصحوني

انا مطلقه ولي ولدين
وعايشه افضل ايام عمري
بس لا يمنعك من تصلين صلاه الاستخاره
لانه المشاكل اللي بينكم بسيطه
ممكن مع التغير بالتعامل والدعاء ماتدرين
يمكن يتغير ويكون الوضع افضل
انا انصحك بالاستخاره
ولا تاخذين بس النصيحه مننا يالمطلقات
لانه كل وحده ووضعها غير
يعني بعضها مشاكلها مع زوجها توصل للضرب والشك
وبعضهم بس مشاكل وتطلقت والحين عايشه بحسره
انا اشوف انك تستخرين وتجيبين ورقه وقلم
تكتبين الاشياء السيئه في زوجك والاشياء الحسنه
واعملي مقارنه
بالتوفيق يارب والله يفتح بصيرتك للحق

الله يجازيكي الخير على الرد
انتي بتقولي انو مشاكلي بسيطة لاني ما حكيت كل اللي يسويه معي عشان مش عاوزة افتح الجروح
و
فعلا لازم استخير واللي كاتبه الله بيصير
بس برضو حبيت اخذ راي المجربات
الحمد لله انك مرتاحة من بعد الطلاق والله يعوض عليك
حبيبتي بالنسبة لميزان حسناته وسيئاته اكيد السلبيات اكثر والله انا محكيت الا جزء بسيط من اللي انا عايشاه

شوفي انتي غلطانه ليش تصرفي عليه من راتبك هذا اكبر غلط والشي الثاني ما اقولك لا تشتغلي مع اهل زوجك بس بحدود وفكرة الطلاق استخيري قبل واذا انتي شايفه ماافي فايده روحي لا اهلك وخلي احد يكلمه بس اوعك تطلبي الطلاق
بيقولك رجعي مهري وقتها بتتعبين زياده جربي رمضان ودعي واستخيري كل يوم اذا ما نفع معه طفشيه خليه هو يقول بطلقك
وربي يكتب لك الخيرر ولا تحملين منه دام هذا طبعه وربي بتتعبين انفذي براسك لا وحدك ولا مع عطف يقطع قلبك عليه
للهم يا مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء
بيدك الخير انك على كل شيء قدير تولج الليل في النهار وتولج النهار في الليل وتخرج الحي من
الميت وتخرج الميت من الحي وترزق من تشاء بغير حساب اللهم ارزق شفايف فوشيه سلطان زوج لها وارزقها منه الذريه لصالحه وارزق جميع بنات الحمله والمنتدى الازواج الصالحين اللهم انك رحمن بالدنيا والأخرة ورحيمهما اللهم
ارحمني رحمة تغنني بها رحمة عمن سواك

استخير ي الله قبل كل شيء...والله يفرج همك..

الله يعينك يااختي
بس انا من وجهه نظري انك تكلمينه بالموضوع اللي يضايقك
اجلسي معاه وافتحي كل المواضيع اللي يبيلها تعديل
سواء سالفه انك ساكنه مع اهله او سالفه المطبخ او العيال
وخلي التفاهم بهدوء ..
وشوفي وش يقول .!!
واذا مااقنعك بكلامة او ماحاول يعدل من نفسه او من الوضع
استخيري وعليك بالدعاء وربك مايخلي احد ..
واكيد من الاستخاره راح تشوفين وش اللي بترتاحين له اكثر
سواء الطلاق او تبقين معاه ..
وغير هذا انتي ماعليك من كلام الناس .. الناس مو عايشين مكانك عشان يقدرون وضعك
والزم ماعليك راحتك ..
وكثير مطلقات عايشين حياتهم على احلى مايكون
ماراح تنتهي الدنيا لو تطلقتي ..
بس قبل ماتتخذين هالقرار .. سووي اللي قلتلك علييه وان شاء الله راح تنحل امورك =)
يا إلهي هب لي من لدنك زوجا صالحا واجعل بيننا المودة والرحمة والسكن
إنك على كل شئ قدير يا من يقول للشيء كن فيكون اللهم آتنا في الدنيا حسنة وفى الآخرة حسنة
وقنا عذاب النار رب لا تذرني فردا وأنت خير الوارثين

الف شكر ليكم على الرد
انا صابرة هذا الشهر والله يقدم الخير

الله يفرج همك

لا لا لا لا لا
لا تفكرين بالطلاق
خلي الطلاق اخر الحلول
انتي ماسويتي شئ يحل المشكله انتي هربتي من المشكلة وهذا الفشل بحد ذاته
كل شئ ينحل صدقيني كل شئ ينحل انتي لا تستعجلين
اولا صدقيني هذا ابتلاء من الله لانه يحبك ولانك يمكن بعدتي عن حبيبك الله عشان كذا يختبر صبرك ويشوف انتي تحبينه ربي ماابتلاك عشان يشقيك ربي ابتلاك عشان ترجعين له شوفي نفسك وش مقصره مع ربي قوي ايمانك بالله واحسني الظن
الطلاق مايحل شئ بالعكس
حلو المراه توقف مع زوجها وتحل مشاكلها
انتي على بالك الحريم مرتاحين ومبسوطين اكيد كلهم عندهم مشاكل بعضهم اكثر منك وبعضهم اقل وبعضهم اصعب من وضعك وعايشين ومرتاحين لانهم احسنو الظن بالله
شوفي يمكن تطلبين الطلاق وتتطلقين بعدها بتحسين انك l محتاجه رجل وبتدعين الله يرزقك بزوج صالح و ....و.....
طيب الله اعطاك ادعي الله الحين ان ييسخره لك ويهديه ويوفقكم مع بعض بدل ماتفكرين باابغض الحلال وتخلين الشيطان يدخل عليك
الشيطان هذا اللي يبيه يبي يطلقك مايبي يشوفون اثنين متتزوجين الا لازم يطلقهم ليه تخلين الشيطان يخرب حياتك
المراه لو امرت ان تسجد لغير الله سجدت لزوجها تخيلتي كيف الزوج سبب لدخول الجنة والنار متخيله لو المراه ماتت وزوجها راضي عنها دخلت الجنة
اولا توكلي على الله روحي توضي وصلي وادعي الله ان يفرج همك ويسخرلك زوجك
واقهري الشيطان لا تخلينه يدخل بيتك شغلي سورة البقره واقرائيها واستغفري الله والله بتتييسر لك امورك
مشاكلك لا تحاولين تحلينها كلها بوقت واحد شوي شوي
مثل مشكلة الراتب شوفي انتي اصرفي على نفسك ودلعيها لكن لا تصرفين على خرابيط له او لاهله لانه راتبك انتي وتعبك مثلا قولي انا اساعد ابوي او اخوي بقرض او اي شئ وثلاثة ارباع الراتب خليه يروح لهم يعني مثلا افتحي لك حساب ثاني وكل شهر خليهم ياخذون من راتبك ويحطونه بحسابك الثاني وبكذا الرجال ماراح يطمع كثير يعني خلي لك شوي بحيث يكفيك انتي بس
اذا انتي الحين في ديرتك معليش اذا رحتي لاهلك سوي اللي قلت لك عليه او وحده من خواتك تفتح حساب وانتي حولي عليها
والله ماراح يعاقبك لانه هو ملزوم بمصروفك مو انتي بس طبعا هالكلام ماتقولينه له لا خليك البنت الطيبه ولا تخربين حياتك شيلي لك الفلوس بكره تحتاجينها وهو الله يعينه يصرف عليك ويصرف على اهله
بس انتي انتبهي تقولين نفقتي عطنياها مالي شغل في اهلك ولالي شغل فيك فلوسي ماراح اعطيك منها شئ لا لا انتبهي اخذي حقك بحكمة لا تخربين بيتك ودايم سمعيه الكلام الزين انه الرجال وانه بيقدر ان شاء الله على المصاريف وان مابعد الضيق الا الفرج وان شاء الله انك مع الوقت بتساعدينه وحسسيه انه اذا جاب شئ من فلوسه انه حلو انه له طعم ثاني وانه رجال المهم كثري الكلام الطيب
وصدقيني زووجك اذا ماسمع الكلام الطيب منك بيسمعه من غيرك صدقيني
مثلا مشكلة المطبخ
شوفي اذا هو وامه واخوانه يعني مافيه بنات بالبيت الله يعينك اكيد انتي بتقومين فيه بس اذا فيه بنات حطو لكم جدول يريحكم مثلا يوم عليك ويوم عليهم او الغداء هم والعشاء انتي المهم نسقي معهم بطريقة ذوق وقولي انا موظفه ومن هالامور
المشاكل اللي بينك وبين زوجك هذي حاجه طبيعية بين كل زوجين خصوصا المتزوجين نصيحه لك مو كل ماقال شئ تعارضينه وتكبرين راسك لا امتصي غضبه وناقشيه بهدوء ولا ترفعين صوتك سمعيه الكلام الحلو وانك تحبينه وتموتين فيه حاولي تتمتصين غضبه الرجال يحب المراه تدلعه وتحبه وتستقبله احلى استقبال وتهتم فيه ويبي لسان حلو صدقيني شوفي كم من متزوجه تحب زوجها بس يخونها لسانها وماتعرف تعبر ويمكن تتهاوش معه وهي تموت فيه بس تبخل عليه بالكلام الزين بيروح يدور على وحده تسمعه احلى كلام يعني المشاكل مهما توصل لها حل انتي لاتخربين بيتك
الطلاق مايحل المشكله على بالك الرجال يختلفون كثير هم زي بعض بس فيه الحرمه الذكيه اللي تعرف لهم هي اللي بيده تعيش مبسوطه وبيدها تعيش مهمومه طنشي وعيشي سعيده احسني الظن بالله ادعي الله يسخره لك اتقي الله لكي يجعل لك من كل ضيق مخرج تصرفي بهدوء وحكمة وصمت عالجي الامور ببساطه عامليه كانه طفلك اللي تتمنينه وسامحيه على غلطاته وعيشي معه بحب وابتغي الاجر من الله صدقيني بتعيشين مرتاحه مو شرط تتحقق امالك وتطلعين ببيت لا ممكن تكونين مرتاحه وانتي بصندقه ه اهم شئ السعاده وهي مع الله صدقيني خلي زوجك سبب لدخولك الجنه واعملي على هذا المنهج بتسعدين صدقيني l