انبسطي بحياتك ولا يكون الزواج كل تفكيرك

1. بسم الله الرحمن الرحيم


2. السلام عليكم ورحمه الله وبركاته

بسم الله الرحمن الرحيم

السلام عليكم ورحمه الله وبركاته

عزيزات الفراشات أنا مثلكم أول كان الزواج هو كل تفكيري والحمد لله تزوجت بس والله إني أحن لأيامي وسنواتي الحلوة اللي قبل الزواج خليكِ منسطه ومستانسه على الآخر ولا يكون الرجل هو الهم الوحيد عندكِ صحيح الزواج شي حلو بس أنا لما تزوجت انصدمت وأحيانا أقول ليتني ماتزوجته بس لما أتذكر صلاة الإستخارة أقول هذا هو الخيره لي أنا متزوجه من تسع شهور وحامل بالشهر الثامن بس زوجي مايحافظ على الصلوات وينام قبل صلاة الفجر بشوي ولما أقول له ماباقي على الصلاة كثير استنى الصلاة يقول ملحوق على الصلاه عنده الدين شي مو أساسي بحياته ويدخن قرفني بريحة دخانه وماسك عليه بالمصرف الحين صديقاتي ما اكلمهم بالجوال لاني ماعندي شحن جوال فيه بخل للأسف ولا جاب لي هدية جوال جوالي قديم واستحي اطلعه قدام أحد لانه مي من قبل الزواج ولازل معي فيه زر من أزراره طاح ولا جاب لي جهاز لاب توب ودايم مامعي ولا هلله بوكي فاضي مدري شالحل معه والادهي والأمر من كذا اني قربت اولد ولا جهزت شي للبيبي ولى شي لي اول كان يقول توك مابقي لك كثير الحين دخلت الشهر الثامن وبطني ماشاء الله كبير واحيانا تجي معي آلام احس اني الولاده قربت وأنا ماجهزت حاجه ، البارحه رحت مع أهله لمنتزة طبعي ماعطاني ولا هلله ولا ريال اشري فيه مويه اهله ماشاء الله خواته يطلبن من المطعم ووانا عاله عليهم وانصدمت بشي لا امه ولا خواته صلو صلاة العشاء ماحد منهم صلى غيري أهم شي عندهن الوناسه والفرفشة والطلعات ..............
بصراحه طفشت من زوجي طفشت منه .... يعطيني كل شهر 300ثلاث ميه ريال منها الشحن ومنها اللبس ومنها كريماتي ومنها بخور البيت لا وبعد يقول لي جيببي منها اغراض المطبخ وهو راتبه بحدود 8 آلاف ريال ..
ياليتني كنت ادعي أول بإلحاح ان الله يجيب لي زوج صالح تقي نقي يخاف الله
اوصي كل من لم تتزوج ان تدعي الله يجيب لها زوج صالح يخاف الله غير بخيل ليل ونهار بدون كلل ولا ملل ...
أنا الحين جالسة أدور على وظيفه مع اني متزوجه وراتب زواجي كويس وساكن فوق اهله مايدف اجار ولا شي شوفو كيف حالي ...
ولا وعينه على الفلوس اللي معي قد جاني قبل فتره مبلغ الف وسبعمية ريال طلبهن مني آخ يالقهر من الرجال أنا ولا هو .....
أقول كللامي هذا لكن : للفضفضة _ وبعد علشان ماتقولون ان كل متزوجه مبسوطه ...لان كان هذا تفكيري قبل ما اتزوج لاني اشوف المتزوجات اللي بالجماعه لبس ماشاء الله وطلعات وكل اللي يتمنونه ...
لاحول ولا قوة إلا بالله
اللهم آجرني في مصيبتي واخلف لي خير منها ........واكفني شر بخل زوجي واهده