اكله لذيذه مدري وش اسمه وسهله تفضلوا شوفووها فيه صوره

هلا بنوتات
كيفكم ان شاء الله تمام
انا اليوم وانا جالسه اقلب بالملف تبع رمضان شفت طبخه مصوره
واشتهيتها مره
قلت فكره احطها للبنوتات يشوفنه

:
اول شي تجيبين كيستين او ثلاثه توست وتقطعين الأطراف وترقينهم
بعدين، تقطعينهم دوائر والحجم زي ماتبغين
وتاخذين قطعتين (من المدوره اللي قطعتيهن) وتحطين بيض ع الاطراف بس علشان يلزقون
بعدها تكونين مجهزه بيض وبقسماط وتحطين القطع بالبيض بعدها تغطينها كامل بالبقسماط
(هالمرحله انا اسويها قبل بمده واحطها بالثلاجه علشان اذا حطيتها بالزيت
تكون تمام وممكن تسوينه قبل بنص ساعه او على طول بس أفضل قبل بيوم )
بعد كذا تجهزين الحشوه
وهي صدور دجاج مسلوقه ومقطعه وتحطينها بالقدر مع بصل تحمسينه قبل
بعدين تحطين وياه جزر مبشور والملح
وتحطين كل البهارات اللي عندك
انا احط احيانا صلصه صويا حلوه وبهارات باربكيو
عاد انتي حطي اللي تحبين
تجيبين بطاطس الجاهز او انتي تسوينه وتقلينه

:
الحين تجيبين القطع المدوره وتحطينها بالزيت ولازم تنتفخ ولو ماانتفخت بالملعقه كبي الزيت فوقها
تنتفخ وتكون من داخل مجوفه
تجيبينها وتفكينها تدهنينها بالمايونيز وتحطين الحشوه والبطاطس المقلي

:
خوالي يسونها ويقطعونا من النص يعني تصير انصاف دوائر والحشوه يحطون فلافل مع بطاطس

:
حلاوتها الحشوه تقدرين تتحكمين فيها زي ماتبغين،
وهذي صورتها وان شاء الله تعجبكم