الاسواق والمراكز التجارية في الرياض للي تبغى تجهز لزواجها

هلا اختي يمكن اقدر افيدك في السؤال الاول : اسواق مكه والعثيم .....
وشوفي ملف بنات الرياض راح يفيدونك كثير ........

http://www.alfrasha.com/showthread.p...75#post2096075
وهذه الرابطه

شوفي حبيبتي بالنسبه للمشاغل اللي تفصيلها حلو عندك وسام صراحه خيال على امتداد التخصصي وكمان النهدي مقابل ملاهي الروضه ويجيبون القماش روعه وبالنسبه للارقام دقي ع البداله يعطونك اياه ولاتنسيني من الدعاء والله محتاجته

هلا أختي الشامخة بالنسبة للسوق خريص بلازا حلو وان شاء الله تلقون فية كل اللي تحتاجون وكمان العثيم مول أنا شخصيا من محبية أحس انه من الأسواق الشاملة لكل شي ..
وربي يوفق الجميع

وعليكم السلام ورحمة الله وبركاته
الله يسعدكم
ويسهل كل شي
انا ماني خبيرة أسواق :$
ولا ياليت اقدر اقولك

اختي فراشة ولكن مشكورة تعبتك وياي الله يوفقك
amerah2005 الله يوفقك وينولك اللي ببالك والمسلمين
فراشة المملكةKSA الله يوفقنا وياك ومشكورة عالخدمة
JoOoRi مشكورة على مرورك وردك ياعسل
الله يجزاكم خير كلكم وانتظر رد باقي الفراشات

وينكم يافراشات اي وحدة عندها معلومة لاتبخل علينا

مرحبا حبيبتي
أول شئ الله يوفقها والسلمات أجمعين ويرزقنا ويستر عليها وعلينا انشالله
أرجو ماأكون متأخره ....
بالنسبه للملابس الداخليه وقمصان النوم في محل بمملكة المراه حلو غويلي شوي بس تقدر تأخذ منه قميص أول ليله..
والمحلات الباقيه تلقينها بالاسواق
غرناطه كبير وشامل الاحتيجاتها كلها ....
وصحارى مثل غرناطه كبير وشامل ...
والمملكه والفيصليه تلقى فيها محلات أسعارها معلوقه هذا بالنسبه للي أسعارهم معقوله واللي أعرفه الباقي كله غالي.
والله يوفقها ...
واذا عندك استفسار ارسلي لي

هلا اختى بقولك بما ان سويت خطه صغيره بالاستطلاع باسواق الرياض بس مو كلها ابقولك الي شفت المناسب والمعقول
بالنسبه للفستان الزواج اختى فيه باسواق مكه جنوب الرياض فسااتين واو حلوه وكمان بسوق المتنبي محلات ابن شيهون وكمان فيه الخياطين الي بالمتنبي صحيح موديلاتهم الي بالعرض مو ذوق بس خياطهم متقن واسعارهم مرره حلوة وتقدرين تتناقشين بالسعر معاهم
اما بالنسبه لفساتين السهرة لاتكثر منها لان بيتغير جسمها بعد الزواج حسافه لا تكثر فيه بسواق الموسى محلات فساتين جاهزة بس لازم تعدل بالموديل لان الله يصلحهم مرة فتحات الظهر مبالغه واذا شرت جاهز تغير فيه شوى عشان لا سمح الله شافت مثلها يكون عليه لامساتها من كرستال وشال بشكل حلو وبروش يعنى تغغير
وكان فساتين سهرة جاهزة فيه محلات بطريق العليا العام مقابل العقاريه اسمه لليان بس غالي ممكن تاخذ افكار من الموديلات
بالنسبه لمحلات التيورات كل اسواق الرياض تفحطها كل سوق فيه شى مميز وانصحك لاتاخذ طقم كامل من محل تطقم من كذا محل ارقى وتتميز فيها لان لو شافته على احد ممكن تشوف قطعه مو كله وتنقهر
اما محلات الانجري بصراحه بما اني مو متزوجه بس اللقافه لها دوور شوفي محلات الدور العلوي بالعثيم مول فيه محلات كثيير وكمان بالاندلس ولا تكثر منها عشان بعد الزواج ممكن تعرف ذوق زوجها وتاخذ الي يناسب بس لاتكثر طويل لانها مراح تلبسه كثير يعنى اكثر شى 3 بس طويل ولا تاخذ غالي مررة اهم شى روب اول لييه يكون اهو اغلى شى
اما لا سنزا ونعومي واتام ومن سكرت تمر عليهم انا ماحبهم احسهم تقليديات القمصان كلها حررير اهو حلو بس هم ممل
وفيه محلات لانجري بغرناطه بالدور العلوي ماذكر اساميهم بس هم حلوات
واكثر شى تهتم فيه لبس البيت عاد هنا تنام بستى ماكس وسبلاش وسناء هنا موااسم عندهم ملابس روعه للبيت
مثل برومدات وفساتين قصيره وتتنانير منى جوب وشورتات يعنى تنوع وطقم معهم كم اكسسوار للشعر وشبشب البيت
وبالنسبه للعطور واغراض الجسم للحمام والشور عاد هذي اذواق بكل محلات العطور شكل ونوع كلن وذوقه بس لاتكثثر عطرين اساسي وطقم متكامل للحمام واحد صغير للسفر والاساسي للبيت وبعدها تتطلع مع زوجها تشتري حلو التغيير
والجزم سوق الاندلس عاد مو تاخذ كل شى له جزمه لا فيه مثلا تيورين تناسب جزمه وحدة والشنطه فيه (بدون اسم ) شنطه رايقه وحلوة
وبالنسبه للشعر والبشره انصحها باخصائيه اذا عندها مشاكل حتى الفرد المشغل مانصحك تتعالج عنده
بالنسبه للمشاغل مكياج عاد هذي اذواق بس انا بقولك الي انا مجربتهم وانا احب المكياج الي يبرز جمالي بطبيعه مندون كتل
انا جربت مشغل الميسان بالتحليه بجانب المطعم الريف اللبناني هو غالي بس للمانسبات الكبيره اروح له
وبعد عندك مشغل اربيل بعماير السيركون
وباتشي لوتشى هذا على امتداد طريق مجمع المملكه بالعليا
بالنسبه للاشعاار بدز لج مسج برقم شاعر اخذته من المنتدى يمدحونه يسوى زفات بدون موسيقى بس مااجربته انتى شوفي
وانا بزيد اشياء لاتنسااها النظارة الشمسيه للسفر عاد هذي حسب الاذواق المحلات كثييره
والشنط السفر والمكياج عندك محلات الجار الله للحقائب والمفارش بطريق خريص
وكمان اله لازاله الشعر براون او ام جوي على حسب الي يناسبها لان بالسفر تحتاجها كثير
وصندل مريح للبحر وجزمه سبور للسفر هذولين مهماات
واذا تبي حجابات للسفر مريحه ويصير شكلها مرتب وبالنقاب طبعا بس اذاكشفت وجهه للاكل بمطعم يكون شكلها مرتب
فيه محلات بالدور العلوي بمجمع النمر هم مجمع النمر فيه شنط حلوة وغريبه مو تقليدي شكلها
ولا تنسى هديه لزووجها مهمه جدا لو شى بسيط الزووج بعدها يحس انها مقدرته
وبالتوفيق يااقلبي
دعواتك بالزوج الصالح لي والتوفيق
واي حاجه و استفسار انا حاضرة