البرياني

نقطع بصل شرايح رفيعة ونكشنها في قدر مع الزيت واذا حمرت شوية وصارلونها ذهبي احط اللحم واقعد اقلبه كل شويه
وبعدها احط الثوم المفروم واخليها الين تحمر اللحمة شويةوزاحط فوقها تقريبا ملعقة موية كاديراح تطلعك ريحة شي جنان واحط حبة طماطم مقطعة صغار واقلب الين تذبل الطماطم
وبعدها حطي البهارات
عبارة عن فلفل اسود-كمون-كزبرة ناشفة-كركم-بهارات خاصة بالبرياني تجي في كرتونة -ماجي-وشوية صلصة
وحطي عليها شوية موية وقفلي عليها الضغط وخليها الين تقرب تستوي اللحمة
وتكوني نقعتي الرز بالموية
وبعدها جيبي قدر وحطي فيه شوية زيت وحطي عليه كمون وفلفل اسود وكزبرة ناشفة وقرنفل وهيل وقرفة وخولنجان
كلها صحيحة يعني مومطحونة
وخليها الين تطلع ريحتها وحطي الرز عليها وحطيله شوي ملح وموية طبعا وخليه الين يقرب يستوي
نرجع للحمة فكي الضغط عنها وقطعي حبتين بطاطس قطع كبار وحطيها عليها واذا حبيتي اي خضار تحبي حطيه
وحطي الرز فوقها وجيبي ربع ملعقة صغيرة صفار الزعفران وحطي فوقه شوية موية كادي ووزعيه على الرز
من فوق وجيبي قرنين فلفل اخضر حار واغرزيه في الرز وبس قفلي عليه وخليه يتسبك مع بعض على نار هادية جدا
وسلامتكم
والله يابنات اتعب وانا اقولكم لذيذ جدا واذا حابه تقدميه مع سلطة اللبن والسلطة المدقوقة الطماطم والكزبرو وفلفل حار
شي جنان