التجمع السابع يوميات المشي ع السير يارب هالتجمع ختمها مسك يارب تعطيهم قوةالأرادةأمين

السلام عليكم ورحمه الله وبركاته
دائماً وأبد نحمد الله ونشكره على ما وصلنا له وماتمم علينا
( لئن شكرتم لأزيدنكم )
وشعارنآ كما تعودناا
ونعود لساناً ع هالدعاء
اللهم لك الحمد حتى ترضى ولك الحمد أذ رضيت ولك الحمد بعدالرضا
والشكر والحمد عباده لله واللي يشكر ربي يزيده
المهم ياحلوات..
حبينا نفتح تجمع جديد لنآ
او بالأحرى بيت جديد يضفنا فيه
لان البيت القديم خلاص طفش مننا يقول ارحموني ههه
ماقصر معنآآآ
ولكن يبقى له ذكريات حلووه
بكل مافيها من فرح حزن
يأس تفائل
ايام مضت او كم شهر راح
وكأنها يوم سبحان الله
وهالتجمع اللي وصلنا له هو السابع لنا مشاء الله مين يصدق ان فعلاً بنستمر للأن
بجد الانسان مايعرف وش يصير له
مرت علينا من خلال هالتجمعات اشياء واشياء
ومواقف وو اشياء حصلت لكل منا ماتوقعها ومشت الحياه..
أتمنى من الله يكون هالتجمع وجه خير علينا ويسعدنا بحياتنا ويعطي كل وحده ماتتمنى أمين
وان شاء الله يارب اطردكم من هالقسم بكبره ولا اشووف وحده فيكم الا بس تنصح وتكتب تجاربها ههه
شفتوو كيف
الزبده يابنات
الحين مشاء الله الأغلب كان متواجد بكل هالتجمعات
واحنا مستمرين الى النهايه أن شاء الله
خلونآ فعلاً نسعى يكون هالتجمع غيير عن كل التجمعات
يكون غير بالهمه
غير بعزمكم
يكون صبركم قوي
وهمتكم عاليه ..
صراحه
انا اشوف ان الدايت خصوصا اللي استمرت من التجمع الاول الى الأن
اكيد حست وتعرف هالشي
ان الدايت مو صعب وان الوحده تسوي لها نظام حلو خفيف بحيث تاكل اللي تبينه
ولا تحرم نفسها
والمشي بعد اللي جربته ومشت الحمدالله حست مافي شي صعب لان
المشي مو مثل مالكل متوقعه
موعيب ان الأنسان يجرب ويفشل حتى لو خربط وجته حاله وزاد وزنه سواء من الظروف ولا اي شي صار له..
لكن العيب اللي يزد من يأسه ولو شاف وزنه زاد اوو خبص يومين او 5 ويقول خلاص مو قادر اضبط نفسي
لان هذا راح يجيب نتيجه عسكيه ولا راح يقدر الأنسان يضبط نفسه..
بالعكس انا عن نفسي لوو شفت نفسي خربطت وربي صحيح اندم
بس بنفس الووقت اكوون مو متندمه تدرون ليش
لاني من اول مابديت دايت الى الأن خذتها قاعده
ان أتحمل نتاائج اي خربطه سويتها
واعقب نفسي.. واعقابها بأيش!!
ازيد وقت المشي اللي امشييه دايمآً
يعني انا امشي في اليووم ساعتين
صراحه اذ خربطت اززيد على الساعتين ساعه زياده
يعني اخلي نفسي امشي 3 ساعات باليوم
يعني باليوم اللي خربطت فيه كذا
او اذ كنت امشي ساعه اخليي المشي ساعتين
يعني لازم احررق اللي خربطته
عشان ماحس بذنب واحس ان خربت الدنيا
صدقووني يابنات
ان هالطريقه اللي خلتني الى يوومكم استمر بالدايت الحمدالله ونااجحت معي
وانا بالأمانه اقول كلمه حق عن نفسي
الحمدالله انتظم مشاء الله علي ونادراً ما اخربط
وافرغ طااقتي باليوم المفتوح اللي هو يوم الجمعه واكل كل اللي نفسي فيه
من شبسات. ومقليات و شوكلاته كل شي
وامشي بعد فيها حوالي الساعتين وثلاث
واليوم المفتووح كسر للأسبووع والحمدالله بعد يظل يحررق الجسم طول الاسبوع ويساعدك ع نزول الوزن اكثر...
يعني
حلو اننا ننتظم طول الأسبوع
ناكل تخفييف ونقلل من النشويات ونتبعد عن الحلويات والأكلات اللي سعراتها عاليه+ المشي مايقل عن ساعه او ساعتين
واذ جاء الجمعه اكلي اللي تبينه ياجعلك تاكلين قوزي لوحدك عادي مايضضرك ههه
والله ثم والله اللي تسووي كذا
راح توصل للوزن المثالي حتى لو بالبطئ
وانا الحمدالله مستمره وهو المفروض اني موقفه من زمان
ولكن وزني خلاص عشانه قرب للمثالي بالموت يتحرك سبحان الله مع ان المشي وبالاكل منتظمه
ولكن لايأس من الحياه ولا حياه مع اليأس
معليش طولت عليكم بكلامي
ولكن حبيت اوضح لكم الأمور
واحس ودي اشووفكم
كلكم واصلين للمثالي قرريب
عارفه ان اغلبكم الحمدالله مابقى شي على هدفه
وابي بعد الباقين يكونون كذا
لازم لازم لازم تحققين هدفك واتكلي على الله
والحي بالدعاء
وهالشي هو اللي الحمدالله ساعدني
كنت دايم ادعي وخصوصا وانا ساجده ادعي ربي يعيني ويصبرني
والحمدالله ربي كريم
يلا بنات خلونا نحط يدنا في يد بعض
انا بأذن الله مارح اقصر عليكم من نصايحي وتجاربي
ومارح اسكت عن اي غلط او خربطه
وانتم بعد ابيكم كل وحده فيكم اذ شافت اختها خربطت لاتسكت عنهاا
لازم نوقف مع بعض ونخفف على بعض
والحمدالله أحس فينا هالشي هذا ولكن ابي يكون اكثر بعد..
والحمدالله احنا ما جمعنا دايت وبس
لا جمعنا اشياء كثييره
وهذا اللي مخلينا نرتبط مع بعض اكثر ومخلينا نستمر مع بعض
وياعسى ربي يكتب لنا كل خير
ويدووم عليناا بالخير
يارب
واخيرآ
اسئل الله رب العرش العظيم ان يوفقنا
ويستر علينا دنيا واخرى
ويحقق أمانينا
ويجعل كل تعب في ميزان حسناتنا
ويارب يكون كل حرف نكتبه شاهد لنا لا علينا
أمين
اللهم صلي على محمد وعلى آل محمد
طيوبه